abu__alott
يجي الليل وتهب كلها
وينها وينها المامحسبلها
انا ما فارك خيالج لا مسة ولا ليل
فكرة روحتج ضكتني حيل الحيل
اشرب منج عذوبة تهد الحيل
وسمع ونتج وتشاهد بهاليل
ياليل الله ماترحم بشر وحيد
وماتجمع وحيدة ويا خلها وحيد
ليش تذلهم بهاليل.. وهمَ على البشر يختلفون
جان الحلم حيل صغير بس ياكلون بنفس ماعون
وهيج بكل صلافة ياليل تحسدهم. وتجعل هاي منيتهم
يفتركون ما يلمون
يا ليل المفارك محب بس يامحب هذا
حبيبتي بعازة حيل وانا سكيها من هالحيل وفادة
وماخذها بجهاليه!... هيجي الورد ياهالناس يذبل وسفة تالية
ياليل المفارك كفر عن ذنب حسدك وخلي المطر ويا الكاع يلتمون
وخلي الوادم بهاليلة يشوفون
يطر صبحك علينه وبلمتنى يتشافون
اه شسويلك بعد مو حيلي انطيتك
وكون العافيه هم تنشال جا شلنها لوسط بيتك
بشر بس مختلفه عن الناس حنيتك
وبنص جرحك عشق صاحي ويا حيلك المو صاحي
ولك امس لو تسمع اصياحي، شكمل بعد؟
ماريد اشكيلك
يريت من هالعمر اهديك، جا حرت وياه شنطيلك
وعود روحي تضل وحيده؟ لا ابغلاتج هاي حيل بعيده
تعالي وحلي عيوني كلاها الضيم ترا خلكي خلص بس حضنج يرده
شيرده؟..
العمر لو راح شيرده
انا ومن اهلي اتخليت هم بليل وبشرده
وماحسبت تاليها هيجي
يروح نص عمري لمن بحضني وبجيتي
وحسبالي تجازيني، ليش بمرضج معلعل تخليني؟
وليش عيون تبجيني
حاجيني انا ارجوج منهو المنا معلول
اذكر حجيتي اوت بحضني تسمع الول يمة الول
للتالي!..
يا تالي؟
تاليها وردتي بسرعة تذبل
وعيونها بدموعها تتكحل
والفرحة الأمها صارت
ومن طر الخبر لمسامعها
هلهلت بعلى صوت وطارت
صار السعيتله لبنيتي تول تول
اي والله كون الله لا ينطيها
ولا من رحمتة يفضل كون عليها
وكون بمرض تأنيب وصحوة ضمير ياربي تبليها
والفاجعة!.
تنشر سحرها ويا هيل وجكليت
مرضت بتها الزينة هاي ام البيت
وياريت ملحك عليها بسرعة ياريت
جا ما تركت حبيبتي ولا الها ذكر بيتهم خليت
دلوعة وتدلع علي بمرض ضنينت
اوت مريتك انا وبسحر اسود نصابيت
لحك علي لحضنك وردلي حيلي
وسهرني لا تسمحلي انامن ليلي
انا فرحانه باخر انفاسي يمك
وباخر نظرة من عيوني المك
اسمحلي اشمن نحرك واشبع شم
واترس هالرية
اش ياروحي ولتكملين
تاليتة المرض يخلص ولحضني بس تبقين
الله يعين عبد مظلوم وينصرج واحسن من قبل ترجعين
لركصلج ركص معدان وما اشعل شمع جى انتي تضوين
يا شمعة حياتي ونورت دربي
يطيبج كون الي ربي
