كبايه شاي

حبيت المواقف العجيبة اللي بتحصل معاك قولت اديك فولو

 مساء الروقان منشور النهارده تحت عنوان احا هو لسه في كده…. 
          
          طبعا بعد تجمع امبارح الي كان خطير الصراحه اضطريت استأذن وامشي علشان بكره الاتنين وعندي شغل ومش عارف مين ولما روحت منمتش وحصل حوارات كده ومع ذلك رحت الشغل مش قادر ومش شايف ومش طايق مديري (هو معملش حاجه بس من مش طايقه كده )و من ساعه يا دوب كده كنت لسه مع الزملاء في بريك على الديق وكان معاهم زميل اول مره اشوفه شكله شاب اصغر مننا من قسم تاني او حاجه الاني معرفوش … وانا بتكلم فجأه لقيته فط نط وقالي "ايه ده انت مصري" بدهشه شديده كده قام زميلي رد عليه وقاله "اه يعم ده حتى اسمه شريف المصري وبتاع (مش لقب عيلتي بس معروف بيه في الشغل )" فقالي او ماي جاد أنا بحب مصر اوي ضحكت وفرحت وقلتله عرفت منين اني مصري 
          قالي من السلسله (فيها عين حورس وأسمي بالهيروغليفي) فأبتسمت وبتاع ويا فرحه ماتمت خادها جايسون (هنسميه كده )وطار 
          حذفني سؤال إبن لذينه 
          Do you still ride camels to go to school like and see the pyramids everyday? ……… 
          احا 
          

انا عملت متابعه بس علشان اتابع المواقف الغريبه اللي بتحصل معاك 

بعد شويه كده نازل عندي تجمع عائلي فبيت عمي والعيله كلها جايه أواخر رمضان وكده إنتوا عارفين …..
          ادعولي يا جدعان التجمع فيه اتنين وخمسين فرد وبطلت اعد الأطفال الآن كل تجمع برضيع شكل ….او هو نفس البيبي بس غيروا لبسه؟ 
          والله معرف بس ادعولي 

حابب اقول احا يا جدعان 

الأسبوع الي فات كان من اغرب الأسابيع فحياتي اكتشفت حجات وحصلت حجات مريبه 
          -مديري طلع يه؛ود'ي…….بجد والله مبهزر 
          
          -خالي طلع عنده إبن من طليقته وكانت مخبيه عليه طول ال١٩ سنه وخالي اكتشف بالصدفه زي المسلسلات ومراته مصدومه ودراما عائليه إنما إيه وبجد بردو 
          
          - في طفل تلت سنين جري عليا في الحديقه بيقولي daddy I missed you  (أنا شفت شريط حياتي بيعدي )وخطيبتي كانت معايا والولا شبهي فعلا وماسك فيا 
          بس امه لحقتني وورتني صوره أبوه الحقيقي ولقيت واحد من أشباهي الاربعين  بعد مكنت هروح فداهيه
           
          وحجات كتير غريبه بجد بس يلا خير خير …..
          

هقعد أتكلم هنا مع نفسي احسن واقعد اندب على الخلق الي بشوفها فيومي وفشغلي هنا محدش يعرفني ومش هينتقدوني ولا يجلدوا امي على الشكوه 
          مساء الخير أنا كبايه شاي ممكن تنادوني شريف