adaam07

خلنطيكم اعذار حقيقية حتى تصدگون صدگ مشغول، 
          عندي دروس هواي لازم التزم بيهم، نادي فروسية، نادي سباحة، دروس موسيقى.. كَمان يعني، دروس رسم، 
          عندي دراسة هم للمرحلة الجاية، ادرس لغات و اطور لغاتي الحالية، و هواي سوالف دا ادرسها بجدية، و اشتغل همين. 
           يعني تخيلوا كل هاي الاشياء اسويهم بيوم واحد بحيث راسي ما الحگ احكه، و المطي الي عندي همين تعال اهتم بيه و احجي وياه فد ساعة ساعتين، هاي بعد شوكت اكتب؟ (قلب مكسور بشدة). 
          
          بس آسف والله و حقكم عليه صدگ طولت هواي و قصرت، 
          ببداية الرواية جنت شوية فارغ و جتي الفكرة ببالي و گلت خل اكتب بله بس هيج ماجنت اتوقع تجيب دعم، و جنت ناوي احذفها بعد خمس بارتات بس، بس السالفة تطورت و الاحداث كبرت و كملتها، 
          و ما جنت محسب حساب الشغف الي راح يموت بعدين ولا حساب الوقت الي راح يضيق عندي، فماعرف والله. 
          
          راح احاول احاول احاول اني اخصص ولو نص ساعة كل يوم حتى اكتب 100 كلمة عالاقل، و اعذروني عالتقصير والله. 
          

شباب آسف، مشغول كلش هاي الفترة و هسه يلا نزلت الواتباد و لگيت الدنيا مشتعلة فوگ راسي، عندي والله دراسة و تدريب و نوادي و شغل كلهم بنفس الوقت، و مدالحگ اسوي شي، آسف صدگ راح احاااول هاي المرة اعوضكم و ابدي اكتببب! 

مو طگت روحي شوكت تنزل، على الأقل اذا عندك ضرف مشكلة شي أنطينة خبر مو ضالين كل شوي ندخل للرواية على أمل منزل فصل. 

الفنانه احلام؟ 
          الو عيني اخبارك احوالك ولك شنهي رح تخبلني رح تجلطني هي مو عطله هسه لو دوام اعذرك و لو عندك ظروف و حياة تشغلك هم اعذرك بس جديات روايتك اشتهرت و صرت اشوفها بالتيك و الناس تقيمها و تمدح بيها و انتِ ولا عبالك اخر بارت من 6/18 و اليوم تحديدا 7/18 يعني شهر كامل فات و انتِ لا حس ولا خبر ومن كم يوم كتبت انك رح تكمل تحت سقفه و تبدأ بالثانيه و توازن بينهن بس وينك؟ يعني بربكم كافي عاد شكو كاتب كتبله روايه و اتعلقنه بيها طكها و حذفها لو سحب عليها مو وضعيه هاي اتشرط هسه حط شروط و احنه نفذها و انوب حتى لو نفذنه هم تتأخرون تره مو وضعيه هاي ذاك اليوم وحده كاتبه طن روايات مدري على يا ساعه طكت الروايات كلهن حذف وهم مثلك انشهرت و رواياتها بالعالي اني خايفه يجي يوم و اطكها حذف يابه هسه عوفك من هذا منا لشهر ثاني كل يوم اكتبلك فقره لو كم كلمه و بشهر طكيتلك احلى بارت و نزله لما تكمل القصه استعجل بيها صخم سرع بس خلصها رح تجلطني و يجلطوني وياكم ادم و الثاني زربه من كثر ما تارك القصه نسيت اسمه

استغفر الله يعني من الكه رواية تعجبني واندمج ويا احداثها الكاتب يسحب عليها خرب حظي

أعتذر للمتابعين بس تقريباً أني سبب تأخر تنزيل البارت لأن شكو روايه أقرأها الكاتب يسحب عليها لأن أني فگر بس تيونا بعدهي مستمره بالتنزيل الحمدلله والشكر 

اذا اجتني جلطه فهو انتَ سببها لك هسه انتَ من سويت روايه ثانيه يعني بربك و انتَ ما مكمل الاولى و تاركها و تسرع بيها يعني بربك رح تكمل الثانيه على خير فكر بعقلانيه ارجوك يعني سردك حلو و عندك خلك يس تفكيرك ليش زباله اعذرني عالمصطلح بس جاي تجلطني 

تصبيرة لو مادري شتسموها، من البارت الثاني لرواية ملاكمي. 
          . 
          . 
          . 
          . 
          
          آسر عافه علكيف، باوعله بهدوء و گله  بنبرة إستغراب: 
          
          "شعندك تمشي ورايه؟"
          
          يامن عقچ وجهه، خله ايده على خده، و گال بعناد و نظراته كلها إحتقار: 
          
          "ما امشي وراك! مو شارع الخلفوك هذا!"
          
          آسر ما عصب، رفع حاجبه بهدوء، و گال بسخرية: 
          
          "هو اني ليش ما احب الزعاطيط.."
          
          عافه و طلع من الزقاق، تحت انظار يامن الي تندم على الي گاله.. 

اجاني واهس على رواية ثانية، يمكن راح اكتب غير رواية بلكت يرجع الشغف لتحت سقفه و اكملها، يعني آسف بس راسي حرفيا فارغ من اجي اكتب بس اصفن و ماعرف شكتب T-T. 

هستوني تذكرت اكو شخصية جانت تحب مهند يمكن جان اسمه ابهر، خرب حظي والله نسيته، غير كاتب هذا، و نسيت هواي شخصيات بعد ذولي جماعة آدم همين