#اين انت!؟
الجزء الاول ❤❤❤❤
بقيت اسمع بيهه والنار تسعر بكلبي وي كل مقطع غمضت عيوني ورجعت ذاكرتي لليوم المشؤم الي انكتب عليه العذاب والحزن بي ..اليوم الي ماودعت ماما وبابا بي.....رجعت ذاكرتي لعمري 5 سنوات الطفله المدلله الدلوعه عند ابوهه... اروح ويه بابا وماما للمدرسه تسجلت مستمعه وياهم لان بابا المدير... بابا يصيحلي طبيبتي جان دائما يكولي من تكبرين ترفعين راس ابوج ويبوسني من خشمي واني اغار وادلع علي ...
جنت دائما اسمع بابا يكول هاي ثمره حبنه الطاهر حبيبة ابوهه... ...ماما معلمه وبابا مدير مدرسه ابتدائيه تزوجو عن حب ماما من محافظه من البصرة وبابا من الطارميه 
قبل بزمن صدام التعيين يصير بغير محافظات ماما طالع تعينهه بغير محافظه وبابا هم وشايفهه بالمدرسه ومتقدملهه..
بعدهه رفضو اهله لان مياخذون غربه ونفس الحاله جدو ابو ماما هم رفض يزوجهه بالطارمية ... وبعيده ويريده لأبن عمهه ...باقين اكثر من سنه مشيات... ويدزون ناس ع جدو ومايقبل..
جان عم بابا بالحزب ومأثر ع جدو ومزوجهه بس شرطو علي يسكنون ببغداد موبالطارميه ...ووافق بابا وتزوجو بعد الزواج.. مستمره العداوه بين عمامي وخوالي لان خوالي صار غصب عليهم لان يخافون من الحزب وهم من البصره وقبل اهل الجنوب الي يحجي يعدمو ...
جانت ماما من تروح لاهلهه يسمعوهه اشكال حجي ويضربوهه يكلولهه نزلتي روسنه ونفس الحاله اذا راحت لاهل بابا يكلولهه السحاره اخذتي ابنه الجبير..رغم هذا جانو متمسكين ببعض وسكنو ببغداد واجيت اني وجانو طايرين من الفرح.... والله مارزقهم اطفال بعد بقيت اني الوحيده ...بابا عنده هواي املاك بالطارمية لان عمامي كولش متمكنين مزارع وحقول وكذلك خوالي بعد اكثر كل مزرعه شكبرهه جدو ابو امي معروف بمحافظته صاحب نخوه وكرم والناس تحلف براسه حجي نعمان ...يوم من عدهم سمعت ماما تبجي وبابا يسكت بيهه رحت فتحت الباب شفته حاضنهه ويكولهه.. ...اني ابوج واخوج لاتبجين حبيبتي... رحت ركضت عليهه 
...ماما ليش تبجين؟؟؟
  • JoinedApril 20, 2019