-عويشة.

-تسعة عشر ربيعاً مضت من عُمري وهُنا أنا؛ عامٌ مضى بسعادته، بشقاءه، بمُرّه، بحُلوه، بكل تلك التغيرات التي طرأت على حياتي وشخصي وكافحت بشدّة لِأَلّا تُغيّر معدني، عامٌ مضى بكل تخبطاته، بكل مصير مجهول رأيته ولازلت أعيشه، لا أعلم لي مسيرةً ولا وجهة؛ ولكنه مضى ..
          عدّى بكل شي فيه؛ بذكرياته، بالعلم اللي تعلمته فيه، بالمواقف اللي انحطيت فيهن وعلمتني ألف حاجة، بكل الخسائر والأرباح اللي كانت فيه، بالوزن الهائل اللي فقدته، بس مع هكي كان معبي لحظات حلوة ..
          عام ولا كل عام والله؛ ربيع حياتي الثامن عشر ماكانش عادي أبداً، عدت المواقف اللي قلت "ماتعديش!"، تصالحت مع الجروح اللي قلت "ماتشفاش!"، خسرت الحاجات اللي قلت عليهن "حياتي كلها"، وانضافت إضافات جديدة لحياتي بمكانات جديدة وكبيرة، مُمتنّة جداً للعام اللي أعاد صقل شخصيتي ومازال الوقت بيعلمني زيادة، عام جديد في طاعة الله، كل عام وانا من إشراق لإشراق ومن خير لخير وعسى عُمري كله خير.

-غالباً الدكاترة شخصياتهم حلوة ومحترمة جداً وعندهم ثقافة اجتماعية وعندهم تقدير عالي جداً للمرأة في حياتهم سواءً كانت أم، زوجة، أخت، وعادة عندهم ميل للغة العربية بشكل كبير خاصة الدكاترة العرب اللي عايشين في دول أجنبية يحاولوا بقدر الإمكان يحافظوا على لغتهم وهويتهم بدون ما تتشوه بالبيئة المحيطة بيهم، كل الحب للدكاترة وللطب؛ على قد ماهو أكبر مجال على قد ماهو مدرسة تربوية أخلاقية ذات طابع راقي عالي ❤️.

-الحياة تستاهل الحب ياجماعة؛ اه واللهِ، نقول فيها لكم من وسط المحرقة، حبوا حياتكم الحياة حلوة صدقوني ❤️.

-شعور العودة للبيضاء مبهج جداً.

-خاطري يجي اليوم اللي نجي ونكتب هنا أني اخترت صح، خاطري نكتب حاجة بكل حُب ونعبر عن مشاعري الفياضة ونا عيوني قلوب، نهدي حاجات خاطري نهديهن ديما ونشوف مافيش حد يستاهلهن، خاطري نشوف اللي يستاهلني هذا شن شكله، ولد من، من هله وشن بيئته ومحيطه؛ من باب الفضول فقط يعني، يارب زوج حنوووون حنووون حنوووون فيّاض حُب ومشاعر ويقدس في مشاعر الحُب واللي نعطيها له يردها ليّ أضعاف مضاعفة، نا مانقدرش نكون إلا مع حد يموت فيّ حرفياً لأن طبعي ودلعي وزعلي مش أي حد يتحمله، عطيني واحد يتحمل ويحب هذا كله يارب.

-راجعت النهاية بعد زال السحر عن عيني ولقيت اني فعلاً مانستاهلش هك، كيف انا نتعامل بالطريقة هذي؟؟ ينحكى معاي بالأسلوب هذا؟؟؟ شن كنت نشوف لما مشيتها بس نبي نفهم؟؟؟ ومن غبائي نتعامل بمُنتهى العقلانية والأدب والوِد؛ غباء مني؟ مافهمتش 
          هذا بعيداً عن ردة الفعل الغير متوقعة بتاتاً بعد النهاية "اللي انا أُجبرت عليها" وفيها قعدت كأني خيار بين مجموعة خيارات وكنت خيار فاشل "المفروض"، لكن مانلومش على حد، صوابع الندم اللي انعضت عليّ عوضت سوء الموقف، توجعني طيبتي فعلاً وكيف تعاملت بقلب صافي بدون أي أحقاد ولا حاولت اني نصلح الوضع حتى؛ كنت نرقّع في البايد حرفياً، ولكن جديات عليك راحة، افتكيت، ربي أدرى مني بمصلحتي وعالم كويس بكل الخفايا "اللي وراهن ليّ بعدها بدون ما نتعب لهن" وخلاني نقتنع قناعة تامة أن فعلاً البيئة هذي ما تناسبنيش، مش مكاني نهائياً، عواش، انتِ قوية، احكمي في مشاعرك وقلبك وعيشي؛ مافيش حد يقدر يلوي ذراعك بشي، ولا يفكر أصلاً يديرلك شي، خلي اللي يتفرج عليك وانتِ تضوّي من بعيد يتفرج؛ بريقك زي الشمس وقت شروقها، أشرقي حبيبتي، ما ضاها شروق الشمس سحراً شروق إلا شروق شمسك ☀️❤️.

-"واقدُر لِيَ الخيرَ حيث كان؛ ثم أرضني به ".

-ليش؟ لا جد ليش؟ مفروض اللي يتخذ قرار يتحمل نتيجة قراره ليش الندم؟ محد ضربك على يدك وقت القرار، ليش الندم توا؟

-نحب الشمس، نحب الصبح، نحب السماء الصافية شديدة الزُرقة جدًااا، مش مشكلة لو في طشة غيوم مبعثرة في صفو العلياء الواسعة، نحب الألوان، ليش تكرهوا فصل الصيف؟ أي نعم أنا من عشاق الشتاء برضو لكن كنه الصيف؟ حلو الصيف، حيوي الصيف، فصل معبي نشاط وحيوية وجولاطي ودلّاع، هو أكيد مش حيجي حاجة جنب سعادة الباشا فصل الشتاء؛ لكن ليش محد يحبه؟ حبوه عادي اهو فصل سمح بكل راه! فيه عطلة، فيه زرادي، فيه بحرررر، فيه لمات عائلية وفصل دافي، فيه شمس واجد "اي شمس مش شمس القايلة، شمس القايلة كارثة"، فيه فعاليات، معش نسمع حد يعيب في فصل الصيف لأني نحبه فعلاً، انا بلاير ونحب الفصول كلهن اللي عاجبه باهي واللي مش عاجبه يشرب مالبحر مازالت غير هذ .

-دكتورة، رسامة، طباخة، كاتبة، شاعرة، فيّاضة حُب وحنيّة، جميلة، رايقة
          لا، العيب مش فيّ، absolutely not انا متأكدة انتوا شوفوا دنيتكم.