@akissofmoon
သူ့အတွက်တော့
လူအများနဲ့ တန်းတူ
အမှတ်တမဲ့စွန့်ကြဲလိုက်တဲ့
အကြည့်တစ်ချက်၊
စကားတစ်ခွန်း။
ငါ့အတွက်တော့
နွေခေါင်ခေါင်မှာ ရလိုက်တဲ့
ရေတစ်စက်လို၊
ညအမှောင်ယံမှာ
အလင်းယဲ့ယဲ့ပေးတဲ့ ကြယ်တစ်စလို။
Maple Moon 🌙 🍁
မြတ်နိုးလွန်းလို့ ရူးရချည်ရဲ့။
မင်းမရှိတဲ့ညတွေမှာ
လမင်းကိုတောင်
မင်းအမည်နဲ့ ခေါ်မိတဲ့အထိ၊
ကြယ်တစ်စင်းကြွေတိုင်း
မင်းပြန်လာပြီလို့
မျှော်မိတဲ့အထိ။
လေပြေတစ်ချက်ဝေ့သီတိုင်းမှာ
မင်းအသံကို ရှာနေမိပြီး
မိုးစက်ကျတိုင်းမှာ
မင်းလက်ဖဝါးလေးကို
သတိရမိတဲ့အထိ၊
ပြုစားတယ် သိပ်ကိုပြုစားလွန်းတယ်။
မင်းရှိခဲ့ဖူးတဲ့
အချိန်အပိုင်းအခြားလေးထဲမှာပဲ
ကိုယ့်မှာ ခုထက်ထိ
တဝဲလည်လည်။ ။
Maple Moon 🌙 🍁
Fic ကိုတော့အချိန်မပေးနိုင်သေးဖူး ပါးရဲ့
ကဗျာလေးတွေကတော့ noteထဲမှာ ရေးနေကျဆိုတော့ တင်ဖြစ်နေမှာ
ဝင်ဖတ်နော်
@akissofmoon တူတူရေးရအောင် ပြောတာ အားရင်လေ မအားရင် နောက်မှရေးပေါ့
@Shimminnnu အာ မွန်းရဲ့ ကာဗာကပုံကိုပြောတာလား
ဒီအရိပ်မှာ ခိုနားလိုတဲ့အခါ
သစ်ပင်ကလေး ဖြစ်ပေးပါ့မယ်။
လွတ်လပ်စွာ ပျံသန်းလိုတဲ့အခါ
အဆုံးအစမဲ့ ကောင်းကင် ဖြစ်ပေးပါ့မယ်။
ပင်ပန်းဝမ်းနည်းလာတဲ့အခါ
“မငိုပါနဲ့တော့” လို့
မတောင်းဆိုပါဘူး… အချစ်ရယ်။
မင်းမျက်ရည်တွေကို
တိတ်တဆိတ် သယ်ဆောင်သွားပေးမယ့်
မိုးရေစက်ကလေးတွေသာ
ဖြစ်ပေးပါ့မယ်။
ဒီရင်ခွင်ကို မလိုအပ်တော့တဲ့အခါ
ထောင့်တစ်နေရာမှာ
ငြိမ်သက်စွာ နေပေးပါ့မယ်။
အသားနုနုလေးမှာ
နေဒဏ်ထိမှာကို စိုးထိတ်မိလို့
“နေမင်းကြီးရယ်…
အငြှိုးတကြီး မတောက်လောင်ပါနှင့်” လို့
တောင်းဆိုမိသလို၊
ကိုယ်ငေးရတဲ့ အရိပ်ငယ်လေး
ပျောက်ကွယ်သွားမှာစိုးလို့
“နေရောင်ခြည်ရယ်…
ဖျော့ဖျော့လေးေတာ့ လင်းပေးပါဦးကွယ်” လို့
ဆုခြွေမိတယ်။
မီးစတစ်ဖက်၊
ရေမှုတ်တစ်ဖက်နဲ့၊
မီးကို တစ်လှည့်ထိုးကာ
ရေစင်တစ်ခါပက်ဖျန်းကာနှင့်
တစ်ဖက်တည်းကသာ ချစ်မိပြီး
ယင်းတစ်ဖက်တည်းကိုသာ သတ်သော
တစ်ဖက်သတ် ။ ။
Maple Moon 🌙🍁
@Shimminnnu တစ်လပိုင်းလောက်မှ အားမှာ
@akissofmoon အွန်း အာ့ကြောင့် လွမ်းရတာ သိပ်မကြိုက်လို့ ရည်းစားအကြောင်းနစ်နစ်နဲနဲ မတွေးဖြစ်ဘူး စာမရေးဖြစ်သေးဘူးပေါ့ နောက်မှရေးတော့ဖိူ့လား တစ်ခုခုကို စလေ့လာထားရင်ပိုကောင်းတာပေါ့ မား အားရင်ပြောတာပါ အတူရေးရအောင်
@Shimminnnu မွန်းလဲရည်းစားရှိတယ်ပါးရဲ့ ဒါမဲ့ သိတယ်မလား စိတ်နှစ်ပီး တခုခုကို လွမ်းသလိုဆွေးသလိုလုပ်လိုက်ရင် အလိုလို စာသားတွေက ထွက်ကျလာရော
ကလေးတွေက
ချစ်စရာကောင်းတဲ့ အရုပ်တစ်ရုပ်တွေ့ရင်
အပိုင်လိုချင်ကြသလိုမျိုး၊
လူကြီးတွေက စီးကရက်ကို စွဲလမ်းကြသလိုမျိုး၊
ပျားတွေက ပန်းဝတ်ရည်ကို
အသက်ဓာတ်သဖွယ် လိုအပ်ကြသလိုမျိုး၊
ဒီရေဟာ လမင်းရဲ့ ဆွဲငင်မှုအောက်ကနေ မလွတ်မြောက်နိုင်သလိုမျိုး
ငယ်ငယ်ဆိုတာ...
ငါ့အတွက်......
အဖိုးမဖြတ်နိုင်တဲ့ ယမင်းရုပ်လေး၊
မဖြတ်ချင်တော့တဲ့ စီးကရက်လေး၊
လက်မလွှတ်နိုင်တော့တဲ့ အသက်ဓာတ်ကလေး၊
လွတ်လမ်းမရှိတော့တဲ့ အပြုံးဖျော့ကလေး။
Maple Moon 🍁
မမယေး မမညမလေး အတွက်မမစာတွေဖတ်ပြီးစိတ်မကောင်းဖြစ်ရပါတယ်မမရယ် ဘာပဲဖစ်"ဖိုက်တင်းပါနော် အနှင်းရှိနေပေးမယ်။
@Hnin__Su ကျေးဇူးပါကလေးရေ အားဖြစ်ပေးလို့ 💓
မမယေး မမညမလေး အတွက်မမစာတွေဖတ်ပြီးစိတ်မကောင်းဖြစ်ရပါတယ်မမရယ် ဘာပဲဖစ်"ဖိုက်တင်းပါနော် အနှင်းရှိနေပေးမယ်။
တိမ်မြူခြုံသော ငွေသော်တာရှင်၊
အုံ့မှိုင်းမြေ့ဆွေးသော ဝေဟင်ပြင်ရယ်နှင့်၊
လွမ်းနာကျပြီးသား နှလုံးသားတစ်စုံတို့မှာ၊
နတ်ဖန်ကြမ္မာထက်ပင် ပို၍၊
လိုက်ဖက်နေပါပြီလား။
Maple Moon 🌙
ဒီနေ့ အစ်မ zakar phyu စီကနေ bd wish ရခဲ့တယ် နောက်ကျမှရတယ် ဆိုပေမဲ့လဲ အစ်မလိုစာရေးသူတစ်ဦးအနေနဲ့ စာဖတ်သူတစ်ဦးတိုင်းကို အသိအမှတ်ပြုနွေးထွေးပေးတာ
အရမ်းပျော်ရပါတယ်လို့