الحشداوي

          
          تريد تروح هسه ؟
          الجرف شيرضّي 
          النوارس شرد اگلها
          من تلاگيني 
          المطر متعود
          يلاگينا ايد بأيد 
          ويتشابگن وياه 
          طينك وطيني 
          چا عشرتك عشرة 
          موگد وسكران
          تشعلني وتروح
          وماتطفيني 
          خيط وابرة 
          اذا واحد يروح نتيه
          ومدري شبيك
          طالع طاب من عيني
          گتلك اثبت
          الريح الثگيلة تزيح
          ومن توگع 
          ويا توّگع سنيني
          وماي بشبچة
          بأذنك حچيي 
          مالة مچان 
          ومزاجيتك الخربت 
          بينك وبيني 
          روح براحتك
          بس مثلي 
          تلگة منين ؟ 
          وبعد ماعاتبك
          تندل عناويني

الگصب لو مات ماينذب يرد ناي
          الهلي تيهت ماواحد يردناي
          ابد لاتمسح المدمع يردناي
          اريد اعمى وتگود الناس بيه