am_449

اليوم بتكلم عن الناس اللي تغلط عليك لكن بعدها تتأسف وتبرر لك انك انت الغلطان وكانهم مو ندمانين واعتذارهم غير صادق انا عن نفسي ما احب اكبر المواضيع و اعور راسي تلقوني بنفس اليوم اقبل اعتذار الشخص اللي اساء لي لكن على حسب الموضوع اذا كان موضوع جايد و كبير لا عاد مستحيل اسامح الا لمن يعتذر بندم وانتو شلون تتصرفون مع هذولي الناس 

تم نشر الفصل الرابع من روايه حصه اتمنى تنال على اعجابكم 

صباح الخير حبايبي 
          اليوم بتكلم عن الناس اللي تقلل او تدقر من طموح بناتها لمجرد كلمه ( انتي بنت والبنت ماينفع تختلط مع رجال بالشغل ) خل اقولكم مثال انا طالبه صحه عامه ( تخصص من تخصصات كليه التمريض ) ولله الحمد وهذا حلمي وماراح اتنازل عن هذا الحلم لكن كل اللي حولي بحكم ان عايلتي محافظه جدا قاعدين يقولون لي (شلون بتشتغلين مع رجال ما تخافين)يحسسوني اني رايحه للموت نصيحتي لهذولي الناس الطموحه لا توقفون حلمكم على شي مايسوى لا تستمعون لكلام المؤثرين السلبيين في حياتكم راح تتدمرون طبعا لازال في داخلي ذره من الخذلان من هذولي الناس اللي يحاولون انهم يقللون من طموحي خصوصا انهم قراب حيل مني لكني احاول اني ما اسمع لهم نصيحه سوي الشي اللي انتي حابته ومقتنعه فيه وماعليك من كلام الناس مدام انه مامن عيب فيه 
          قولو لي شرايكم بالناس اللي يحطمون حلم بناتهم او يمنعونه عنهم لمجرد كلمه ( عيب البنت تختلط مع رجال )  

صباح الخير يا جميلين اليوم بيكون موضوعي عن
          الجهل بأمور الحياه 
          الجهل صفه مذمومه لكل الناس فهي نقمه لكن اوقات الجهل يكون نعمه متى يكون الجهل نعمه ومتى يكون نقمه 
          يكون نقمه اذا كنت جاهله عن الناس اللي حولي جاهله هل هم فعلا يحبوني مثل ما احبهم هل هم فعلا يحترموني مثل ما احترمهم اذا كنت جاهله بأصحابي او اكون طيبه بزياده وعلى نياتي و ابي يكون عندي صديقات كثار مو مهم اذا هم يحبوني الاهم انا احبهم وهذا شي غلط وراح يتعبنا ويعرضنا لصدمات من هذولي الاشخاص اللي اعتبرناهم اصحاب لكن متى يكون الجهل نعمه 
          لما اريح راسي وابتعد عن معرفه اي شي يخص حياه الاشخاص اللي حولي او مثلا اتجاهل الاشخاص اللي يكونون مصدر لتعاستي فعشان ما اتعب اكثر لابد اني اكون جاهله او بالاصح اتجاهل واتجاهل الاشياء السيئه اللي تصير لي كل هالاشياء راح تساعدني اني افهم الحياه صح وطبعا الحياه متعبه كل شخص فيها راح يتعرض لتعب بحياته راح ينكسر قلبه و راح يفقد شخص غالي عليه وايضا كثير من المصايب راح تصير له لكن المهم اننا نتجاهل كل شي سيء في حياتنا عشان نصير اقوى في مواجهه الحياه فالحياه كأنها حرب تحارب الناس لكن القوي بس هو اللي راح يتغلب عليها 
          
          

بتكلم اليوم عن الجمال اكيد البعض منكم قابل هذولي الناس التافهه المريضه اللي تقول انتي مو حلوه او انتي مش جميله انتي عاديه او شفيج صايره متينه او شفيه ويهج جذيه شاحب احب اقول لج الجمال مو جمال الشكل او الهيئه الجمال جمال القلب و الروح كثر ما كنتي ذات اخلاق جميله والكل يشهد بإخلاقج وتربيتج كثر ما حبوج الناس من غير حتى ما يلتفتون لشكلج الخارجي فيه ناس ملكات جمال لكن القلب اسود فياروحي لا تسمعين لاي احد قلل من جمالك او من ثقتك في نفسك اكيد راح نزعل من هالكلمات لكن لازم نخلي زعلنا قصير ومانهلك روحنا بالتفكير في شي مانقدر نغيره يكفي ان الله اختار لك وخلفك بهذا الشكل فيعني انتي جميله و انتي جميله في عيون اللي يحبونك و اهلك و والدينك و قبلهم كلهم جميله في عيونك انتي 

شكرا على المتابعه ♥

السلام عليكم حبايبي ان شاء لله تكونون بخير يارب بتكلم معاكم اليوم عن الصراحه 
          الصراحه شي جدا جميل وصفه جميله بالشخص لكن لا تزيد عن حدها يقولون كل شي يزيد عن حده ينقلب ضده فالصراحه شي حلو مثلا لما رفيجتي تقولي ها شرايج بشعري اليوم انا ارد عليها واقول حده ضيم تتوقعون راح تزعل ؟ 
          اذا هي عارفه شخصيتي وعارفه اني امزح معها او اضغطها مستحيل انها تزعل مني لانها عارفه منو انا لكن لما ولله وحده ماتعرفك عدل وتقولين لها كذا ابشرك بتقعد لك عظم بالبلعوم فإختاروا الوقت المناسب عشان تستخدمون الصراحه فيه 
          المجامله ايضا جميله مثلا تلقين رفيجتج مختبه بعرسها و لابسه فستان دافعه دم قلبها فيه وتجين بكل برود وتقولين لها فستانك ماعجبني او شكلك ماعجبني هنا وقت الصراحه جدا غلط اول شي راح تحرجينها ثاني شي راح تتأثر من كلامك وماراح تنساه ابدا فشبيصير اذا قلتي لها ولله طلعتي تيننين او ماشاء لله عليج زوعه فهذي تعتبر مجامله جدا جميله فلو كنتي صريحه حاولي تستخدمي الصراحه فالوقت المناسب واللي ما يخلي الشخص يزعل منك وبس والله هذي هذرتي لليوم ان شاء لله تستفيدون منها 

بتكلم معكم اليوم عن السعاده 
          السعاده شي كلنا نتمناه كلنا نتمنا حياه سعيده من غير هموم لكن كيف نسعد انفسنا ؟ 
          السعاده مانقدر نشتريها لكن نقدر نصنعها لما ارسم بسمه على وجه شخص اعرفه او ما اعرفه على طول راح تدخل السعاده بقلبي لما اخذ كل الاحداث اللي تصير لي في حياتي ببساطه وابتعد عن تكبير المواضيع التافهه راح اكون سعيده لما ابر في والديني واشوف ابتسامتهم ورضاهم علي راح اكون سعيده ولما اطلب السعاده من ربي فبتأكيد ماراح يخيب املي 
          اصنعوا السعاده خل الناس تذكركم بالخير خلو لكم بصمه ولو بسيطه في حياه كل انسان تقابلونه بحياتكم و راح تكونون سعيدين 

شُكراً يا رَب شُكرا من قَلب عَلى الفَشل فقد عَرفتُ أن بِقدر مَا كرِهته سَواني 

أجعَل قَلبي يَاربي فَأساً مَابين يَديا 
          فَيرقّ لِي قَلبَ الصخره و ينّبضُ ألماساً وحُليا