احنه من الله خلقنه بحجي الواهم مانهم
جربونه هواي وادم زلم نطلع من زلم 
زودنه من زود اهلنا وحكنه لو شلنه الخشم 
وحك الوعد أخته بماي وسيفه بركاب يحش 
لونك مامعزب الضيف جدمي عليك مايطرش
__________
انه ابن ديوان ودلال ومضيف،
طيب ولاحتاج حجه ولادليل،!
باسطين الخاطر بلون الرغيف،
وننخفض للادنى ونعيل العليل،!
حته لو طالت يصح بس الصحيح،
نرضى بالمقسوم حته لو قليل،!
ليش أعض ابهامي وأصرخ انه حيف،
وليش للمايسوى اسهر انه لليل،!
 النظيف بلايه غسل يبقى نضيف،
 والي اسود كلبه ماينظفه غسيل،!
__________
كتلني المايعرفلها ويكول انه 
وهوا لجاره مافك باب ديوانه 
غشيم وكام حط جنح الصكر ع ألبوم 
وناب الذياب حطه بحلك ذبانه 
_________
                                                  #ابو أسد