ao_1at

صباح الخير 

انته ما يحتاجلك عيد الغدير 
          چانت مبينه تصير انته الأمير
           لو محمد مارفع جفگ - نکول
           ونفترض ترشيح عالمنصب يصير
           الناس فقره بوكتك ونعرفها زين
          انته ينتخبك شكو واحد فقير

أجتني بثوب الأبيض والجفن خدرن
          وجان  الثوب فاضح يشبه الجامه
          
          وضوة الشباج عابر يعكس الموجود
          
          وشفت الجان مخفي بيرة الثامه
           أول مره أشوف الليل من يطيح 
          ويضم حدره الجبال وتبرز الهامه 
          ذيج الساعة نشمي اليلعن الشيطان
          
          لعنته وماكدرت أتغاضه جدامه 
          وذكرت أدم تقشمر كبلي بالتفاح 
          شلون أصبر وأجة التفاح ببلامه
           مهره وما تحب أكعاد الأسطبلات
          
          تريد اليعتنيها وشاد حزامه 
          وأنا أربات أبوي وعاشك النزرات 
          غرت بيهه وعركها يضيع الشامه
          
          بخور هنود يطلع منها من تسيل 
          ونسيم الصيف ماخذ طيبتة أنسامه
          
          رجعت لبيتي أضحك للخراب وياي
          
          ورضيت ويا الأكرهه ورايد أعدامه 
          وأحس بأيامي صارت ربعة التسعين 
          وأنا السود جانن ربعة وأيامة .

و لا تدنك لو ذهب طايح لگيت..
          الذهب يصعدلك اذا شافك قنوع
          بركن تمثال الثلج لا تستراح..
          الثلج من تطلع شمس لا بد يموع
          و لا تعاشر ذيب و تأمنة و تنام..
          الذيب لحم الذيب ياكل من يجوع
          -ناظم الحاشي

السلام عليكم 

          إنتَ البديت بالحچي
          وتقربت مني
          حاولت ما حاولت
          عن كلشي تسألني،
          ومن شخص عابر صرت
          للشخص اليهمني
          تاليها تكسّرني، تتركني لن
          بدأ قلبي
          على مودك صدك؟ تتغير
          أطباعه، تتقرب
          مني بسنة، وتعوفني
          بساعة!!

دَليتك على الفَرح يَالعلمتني البَچي.!
          ولو تِدري يا صاحِبي گَلبي شكِثر بي حَچي،
          مِن كثر ما مِبتلي گلبي بسكوته اكتِفه؛
          مَشكور ما قَصرت فَضلَك ببَيش اوصِفه؟.
          بصَدري غرَزت الرِمح وتحِطلي سِم عَالجَرح
          وتگُلي بيه الشِفه !! وكُل هَذا مَيقتنِع گلبي ويحسبَك وَفي"
          شَاكِر التِميمي،

اسأل ليش احبك حته اكلك ليش
           و ليش شما تسوي وياي اقبلك 
          لحظه موت عمري سنيني كلهن خوف
           بس وياك امن لمن اوصلك 
          و انت اخر نفس وشكد عزيز تصير 
          و بلحظه الموت تريدنا نملك
           خيط على الجرح بلحم صرت وياي
           لو كل الجروح تطيب مافلك

‏تغير هواي الشكل
          اله اگول الاسم يلا يعرفوني
          لا يا شريط العمر يمرايتي تهدي
          شيسوي هذه الگطن ؟ ع ليل متبدي
          شيسوي هذه الحزن شيريد من عندي
          ايام ذاك الوكت من اصفن عليهن
          ابجي من اباوع صور ضاحك جنت بيهن

: شفتك بالحلم فزيت مشتاك
          وتذكرت احنه بينه فراك
          ما حسبت هيج تسوي الأحلام
          تعيشك من جديد بنار الشوك
          شعور انك تحن الاسان خاين
          صوره وصوت احس لمرواه تنضاك