گلب متعوب

مساء الخير رجعت مامشتاقيلي 

وأضمنك  تعب چادود ‏
          وبعازت فرحتي أتمايزك  
          يسمر ‏يا أبيض من نوايا الروح 
          ‏واصفى من الزلال وملمس المرمر
          
          
          مساء الخير والعافيه 

‏اماشِيك بغلط
          و ذنوب فوگ ذنوب
          و اشيلن ذنبّك
          و أدري عَلي محسوب
          على الفُطرة و يحِب
          شيقّنعة گلبي يتِوب.
          
          
          
          مساكم الله بالخير.. ☂️ مطر ☂️ 

هم تعود
          وأذبحلك دمع وهدوم حزني #السود 
          هم تعود 
          وأفرشلك جرح كل ما تسحگه #يزودّ
          وأحجيلك أيام فراگك شسوت
          وشسوت الوحشه وأنتَ ما #موجود
          صح شيب العمر تارس سنيني وداع
          بس الـ مثلك بهذا الوكت #مريود
          
          
          
          
          مساكم الله بالخير والعافيه 

آعـزاز ياروحي النسـوچ
          ومـدري ليـش
          آلينسـه حيـل يصيـر آعـز
          هُــمَ طفـوا شوگنـه وطشـوا رماد
          وآنا لسـه بشوگهـم شـو مستعـز
          صحتي وقصرت وياي جا
          ضلت عليك انته
          
          
          
          
          صبحكم الله بالخير والعافيه.. جمعه مباركه 

اليمس گليبه ينبض وانا امس حاه 
          وزماني الكتب ضيمي وانا امسحه 
          الوكت  فلاح  صاير  وانا  مسحاه 
          نهر .. جاسم .. كراه .. كله .. عليه
          
          
          
          مساكم الله بالخير والعافيه 

فرشت شليلي بدروبك
          ابيع العشگ للدنيه
          هضيمه تحنن الشامت
          عليه وتشتمت بيه
          چثير گزازك بروحي
          واگولن هاي حنيه
          من اتلك بالحلم يسمر
          يجي القداح بيديه
          واعتك واطبج بحرگه
          رفيف الريه عالريه
          تسيل دموعي بچفوفك
          دمع برمال نجديه
          واگلك وين هالغيبه
          سنه وبالحلم منسيه
          
          مساكم الله بالخير والعافيه يارب 

أخاف يَفوت عُمري عَليك
          ويعفسه الهوا ويعتك
          ترا الدَيوان لو هَجروه
          بَس البَوم بي ينغك
          وترا مِن يَكبر الرُمان
          طبعه يهَيج يَتفشك
          وترا من يَبرد التنور
          تِلتم خَبزته وتلزك 
          وبَعد مِن يَلتوي البسمار
          مابي حَيل مِن يَندك
          تَرد عُمري !،
          تَرد ردُود تَحوي شراعي المزك
          
          
          
          مساكم الله بالخير والعافيه 

صباح الخير
          
          
          جمعه مباركه ♥️ ☺️ 

مَن عَدهَا وبَعدَ
          صَارتلَيَ عَبرهَ
          وعِرفَت شَلونَ أخليَ
          خطوطَ حمَرهَ
          اكَو ابَن ادَم تحَبه
          ويمَه ترتاَح
          واكَو التَرتاَح كلَش 
          مَن تخسَره
          
          
          
          مساء الخير والعافيه