@axcwxc
يم تابوتك المسدود اكعد كعده مصوب
ويرفعوني واكوم بعافيه مطرود
افك يابرده خاطر تفتح عيونك
ينايم نومت الجادود
لك صار اوداعنا من بعيد تقبلها ؟
ولك لوما غافي انت هناك
انه المكبرة اوصلها ؟
مره وحده اريد اغفى على صدرك
وسولفلك عذاب البيه واشكيلك
بغيابك كسره بيه لحد طلاع الروح
وصرت ماطيق البشر بعدك
شنو احجيلك
خَلهن مو وَكتهن خاطر أحجيهَن
يجيني الليل وأكعُد وأنفرد بيهن
وافتح بابهن فتحة جناح الطير
واراويك الجروح الما مراويهن
محضرلك هوايه
حجي
بس كون اريدك
تجي
باولها نگضيه عتب
وتاليها نتشابگ بچي
انا اشتاگيتلك بس المن احجي
جبير اهلي وصعب لو سمعوني ابجي
وانا گد مَاخاف اخِسرَك
تارس ارسومِي القلق
وامي مِن اهَل الله چانت
عِين صَابتك تگُلي
وتقرأ فوكَاي الفلِق .
يا بعد عيني وحزنها
وينك ووين جروحك المها ؟
واداويك منها ومن المها
انطيني ايدك والباقي عليه
لتحجيلي عيونك افتهمها
تتعذرلي بالمسافات ؟
وانه من بعد المسافات اعرف همها
ثق بيه مو بالناس
وليش هي الناس شهمها ؟
لا ظنك انت تهمها
الخوش والمو خوش ملتمين
وعالمصالح حيل متفقين
ماهمهم عيونك الاحبها
خايف عليك من الاذيه
وغير الحجي ما بديه
بلكت الحجيات تفتهمها
يا بعد عيني وحزنها
ياهو انت