Aya

.
          .
          ١٤يونيو
          فاگدينك
          ‏ احنا كلش فاگدينك 
          ‏من غبت ما گمنا نلتم
          ‏ واعتزلنا الگعدة ذيچ
          ‏ومرة أذكر بيك نحچي 
          ‏ومن وصلنا لحرف اسمك
          ‏ هب حنينك أنت وينك ؟
          لا قريب و نعتنيلك
          ولا تجي ونلمحها عينك
          هي ضلت ذكرياتك و شويه سوالف أنت وينك؟فاكدينك .

.
          .
          ١٣يونيو
          مِن خسرتك 
          صغرت بعيني خسَارات العُمر
          ودِرت وجه عيوني عنّك 
          خاف ألمحَك وانكسِر
          شكثر باچي لخاطرك گلي شكثر  
          تغلط بحَقي وادورلك عِذر 
          جيت أدور كِلمه بأنقاض الدَفاتر 
          ماردت مِنك سَطر .

https://www.instagram.com/reel/DZdKoegNLc3/?igsh=MzRlODBiNWFlZA== 
          ياحبيبي منت الاول!!!!!

.
          .
          ١٢
          شكد رخيص.. بكد جمالك
          انا بالصحراء زارعلك حديقة
          تروح للوردة اشترالك؟
          حسستني مالي قيمة من انتظرتك
          الناس تركض بالمحطة
          وتحضن الناس الاجوها
          وانتَ حايرلي بجنطتك
          بهيج موقف.. لو اخوي اكدر اكرها
          بس جبان وما كرهتك
          وانتَ حقك تستغلني
          اني لو عندي عيونك؟ چا طردتك

.
          .
          ١١يونيو
          ردت ٵكلك ابقه يمي واستحيت 
          انته كون تحبني ما هديتني ..
          كون تدري شسولفو لمن مشيت 
          علچ بحلوك السلف خليتني 
          چلبت بخيال رجلك من مشيت
          وانته حقدا بالرفس عديتني 
          والله من جيتك اخبل كلي حيل 
          ليش بس جلد وعضم رديتني ؟؟

.
          .
          ١٠يونيو
          وَأنتظرتَك
          بين صَفنات الليّالي 
          وجرح دخان الجگاير
          وبين لچماتي وحَسرتي
          وحيرتي وكَسرة الخاطر
          وبين مَدري
          و وين صايَر ؟
          وأنتظرتَك هلبَت تمُر طيف
          إيضمضُم دموعي إعلّه باچر

.
          .
          ٩يونيو
          تهموني بمحبتك والله لو يدرون
          على ضيم العليه يضل يواسوني
          مايدرون عايفني بـ مهب الريح
          وانا وياك عفت المايعوفوني
          اليحبوني شكثر والجيتي يتانون
          واخجل من كثر ماگام يتنوني
          وانت الماتحبني شلون بله وياك
          امرن بيكم ماار باليحبوني
          عفت الي شروني ومن ارد شلون
          هم اسوة بعد ونوب يشروني
          حبيتك شجاني وماحسبت حساب
          خيعونك علي مو اني خيعوني
          متحبني واحبك والمصيبه النوب
          اريدك وانهزم من اليريدوني
          ومن دونك صرت مااعيش وي الناس
          وانت بـ كل سعادة تعيش من دوني
          بـ حزانك اودي عيون تبچي وياك
          وبـ فراحك ابد ماتذكر سنوني
          من سمعو اهلنا العشگ دگ الباب
          ماخلوك اهلك واهلي خلوني..!؟

.
          .
          ٨ يونيو
          ذكرياتك ما عفتها
          والأريدك ماتت يشفتي
          بكثر ما رددتها
          فكرة النسيان صعبه
          شلون هيج ستوعبتها
          وأني من كتلك نسيتك بس كلت
          ما طبقتها!!
          ماجنت وياي واضح
          وأهتمامك جذبه جان
          الله لا ينطي أربعينك
          لا حكيني بكل مكان
          أربعينك بالشكل
          مو بالأمان
          والله لا ينطي قرارك بي
          لكيت شكَد أذيه من أحبك وكتلي لازم
          بعد مانبقه سويه
          ماكدرت أرجعلك أني
          وماكدرت أرجع اليه.

.
          .
          ٧ يونيو
          بيش أحلفك 
          وهذا السَهر شاهد 
          عُمر خلصته أحبك 
          من طرف واحد 
          مِثل الحارس أفتَر
          من يجِيني الليل 
          هَلي ينامِون كُلهم 
          وآني أضل كاعد ..

.
          .
          ٦ يونيو
          كون اجيك وحيل اشبكك.. 
          وابجي حيل.. 
          واشكيلك اني من عندك عليك.. 
          وارد اكلك راضي باللي صار بيه..
          واني كل الصار بيه من اديك..