ay_hai6

١اغسطس
          وأشوفك مو اليه 
          بكلشي مو وياي
          وأنتَ هناك واكف 
          واكف مخصّر
          والمعبر قريب عليك 
          مو يمي
          أتمنى الفاسة بيدي
          وأهدم المعبر
          مثل جامة وطحت
          من الجبل للگاع
          التدوسه الحادلة
          مو مثل المكسّر .

ايوتات الحلو 

.
          .
          ٢٠يوليو
          جبت كلشي وعفت كلشي
          ومدري شلون اجيت امشي
          اجيتك ردت اكلك شوف
          ردنا نعوف كلشي وما عرفنا نعوف 
          جبت كلشي اليسولف بيك
          خيالي وصحوتي وطيوف
          جبت دكات كلبي 
          الكطعن كلبي بجفاك سيوف
          جبت صفنات روحي السودنت روحي
          مثل جن بمسيه وعلى اليتيم يحوف
          كون تشوف 
          روحي شخله بيها الخوف
          كون تشوف 
          حالي شكد الك ملهوف
          كون تشوف 
          بشفافي الحزن ماخله بسمة تعيش
          كلمن كمت ابوسه بخده اطبع اووف
          كون تشوف 
          دموع الجدم ما يدري وين يروح 
          والخطوات عمية وتايهه بلاشوف
          كون تشوف 
          خلصت الوجوه وشفت كل الناس
          كلها وجوه غربة ولاوجه معروف

.
          .
          ١٩يوليو
          ما محتاج لـ رسالة
          البيها چم كلمة
          اني احتاجلك انتَ
          فراگك تعب عيوني 
          و اجاني العوض واتصور
          لأن تعبان ما شفته
          الما گادر يعوفك حتى بالتفكير 
          شلون استوعبتها
          الفكره من عفتة ؟

.
          .
          ١٨يوليو
          صوتَك ندَهني و مو حلم ، 
          وفَزيّت من نومي وگلت 
          مو صدگ ، لا يمكن صدگ ! 
          والروح ويّ صوتَك مشَت ، 
          ناديّت والخطوة إبعدَت 
          والصوت ويّ مَشيّ الجدَم 
          من ينلحگ ما ينلحگ 
          والروح جابتني و إجَت
          و ع الأثَر تمشي إعلة الأثَر 
          والشوگ سابگهه سَبگ
          يَم بابَك ويا حيّرتي ، 
          مَدري شندَهني وجابني

.
          .
          ١٧يوليو
          طاحتلك الفركة موردة الخدود
          وانا طاحتلي كلش دمعة العين
          واشو طالع تخبل من الفراك 
          وانا طالع مخبل بالدرابين
          كل هذا واكول مقصر وياك
          وانا الباچي بچي يسواله شطين
          وما تبچي واعذرك حقك بهاي
          دمعك ما يعرف خدودك منين

@Aisha-234  زين يعني كاعده ادرس بلبيت 

ايات كيفج 

.
          .
          ١٦يوليو
          عطَرك بده يختفِي 
          من ياخة هَدومي
          وشلون بيَّ بعد ؟ 
          لا عطَر مِنك بُقى
           لا جية رسومِك
          صح آنه مشتاگِة الك 
          بَس والله ما ألومك 
          والموت لو ينشگِف 
          چان شگِفت عنك
          دورتك بكِل كتر 
          بس ماكو أثر منك
          تريد الصِدگ والصدگ ؟
          مشتاگِة اشوفنك
          وياريت هسّه تجي 
          ونگِعد سوا وتبتسم
          وياريت ذاك الحِلم 
          يطَلع صِدگ مو حِلم  .

.
          .
          ١٥يوليو
          ماعندي فراغ
          ‏من الصور للشوك
          ‏واذا صحلي فراغ
          ‏اكعِد واغنيلك
          ‏وحتى بدمعي
          ‏ماقصرت وياك
          ‏والله هواي باجيلك .