badatspelling77

انا بحب الرومان كولوسيوم أحسن من السوشيال الميديا.
          علي الاقل كان في أمانة انا رايح اشوف عبيد بتتقتل و دم، مش رايح اقول لنفسي قد ايه أخلاقي كويسة و واعي و اقدر أدين اي حد و ادعي في الاخر أن دي خدمة مجتمع و اني خايف علي مبادئنا.
          
          مع أن في الحقيقة انا عايز أتفرج و ادخل في الموضوع و محسش بالذنب، بل كمان يكون عندي أفضلية و ادعي اني فوق كل ده.
          
          مفيش حاجة هتغيير لما افرح عشان واحدة علي السوشيال اتحبست، بس ده علي الاقل هينسيني لثانية أن مش قادر اغير حاجة في حياتي ولا ليا اي صوت.
          
          بنحب نشوف حياة ناس تدمر بس احنا جبناء اوي و مش عايزين نحرج مشارعنا
          
          فنقول علي lynching ، محاسبة .
          بنقول علي الترفيه و الفرجة علي كل ده، حماية اخلاق المجتمع .
          بنقول علي العنف و السادية، عدالة و يستاهل.
          اعدامات عامة بدون دم و ضمير مرتاح.
          و علي فكرة "اخلاقيات" المجتمعات بتبان باحنا بنعامل اضعف الناس ازاي .
          
          أما ايه جو المناصرة و التنديد و انتا مجرد متفرج و بتحكم عشان تحس نفسك احسن من غير ما تعمل حاجة. 
          
          عن نفسي، هسيبك في حالك هو قلت أنا بتستمع بالعنف بس ارجوك قولها.
          انا بقرف بس من عدم الأمانة و ادعاء الفضيلة. علي قد ما الرومان مجانين، كانوا عارفين بيعملوا ايه و ليه و انا أفضل الرومان الوثنين علي الطبقة المتفرجة بتاعت السوشيال الميديا.
          
          شوية ارانب جبانة ملهاش لازمة.

.

عجبتني كتاباتج
          
          احب هيج افكار بيها تميز
          
          
          دقيقة خل اقرا باقي الكلام الي تنشرينه

"If you are neutral in situations of injustice, you have chosen the side of the oppressor. If an elephant has its foot on the tail of a mouse, and you say that you are neutral, the mouse will not appreciate your neutrality."

“If you can convince the lowest white man he's better than the best colored man, he won't notice you're picking his pocket. Hell, give him somebody to look down on, and he'll empty his pockets for you.”

فكرتوا قبل كده تكتبوا قصة تنفع تكون حلم و واقع في نفس الوقت؟
          
          الفكرة ببساطة إن الأحداث بتمشي طبيعية جداً، بس البداية إن البطل بيدخل "آلة أحلام" و بيختار تجربة معينة، و المفارقة إن التجربة دي بتكون مطابقة تماماً للأحداث اللي اتعاشت في أول القصة.
          
          الفكرة إنه لما بيدخل الآلة، التجربة مابتكملش وبيصحى فجأة بس الفكرة بقا : هل هو صحي في الواقع، ولا لسه جوا الحلم؟
          
          هل ممكن مثلاً في نص الأحداث حد يقوله "ده مجرد حلم ولازم تاخد الحباية دي وتهرب"؟ طب مش جايز كل ده وهم من الأساس وهو فعلاً في غيبوبة أو جاتله سكتة دماغية و مات في الآخر من غير ما نعرف الحقيقة؟ 
          
          يعني تخلي الاحداث و الحوار ينفع يكون ده حلم و تلمح انو مات في الاخر ان حتي ان الاحداث شبه المخلص الي في الاول، او ممكن ككون واقع فعلا بس الذكريات بتاعتوا مزيفة و هو بيحاول يرجع لنفسوا.
          
          للاسف الفكرة من فيلم مش من ابداعي اسموا
          Total Recall 1990

"I love people as I meet them one by one. People are just wonderful as individuals. You see the whole universe in their eyes if you look carefully."

"هو انا ازاي مستعمش الاغنية دي قبل كده؟ هو انا كنت هعيش من غير ما اسمعها ؟ دي حلوة"
          
          ايوه عادي، انتا ممكن تعيش و مكنتش قابلت صحابك ولا اقرب الناس ليك، ممكن الناس الي بتشوفها النهارده و انتوا و انا مكنش بعد كده، و ابقا مع كل الي كاتبوا مجرد ذكري خفيفة باهتة.
          
          حتي احنا كل ما بنتفكر حاجة هي علي فكرة بتكون مش دقيقة زي ما حصلت ساعتها، كل شوية بتغيير بشكل بسيط لحد ما الذكري تكون هي كل الي عارفينوا.
          
          حتي لما بتعقد وقت حلو ، بتقعد تقول هو انا ازاي كنت مش مستوعب الي بيحصل او كان بيحصل ايه و قد هو نادر.
          و دي مش حاجة وحشة بس حاجات كتيرة عابرة مهما كانت جميلة ، احيانا بنكون عايزين نفضل فيها للابد بس ساعتها ازاي هتلاقي الاغنية الي مكنتش مصدق انك لاقيتها قبل كده؟
          
          هي  الحياة عابرة و ربنا يرحمنا جميعا لما نموت بس مظنش هي عابرة لينا، كلنا بنشيل اجزاء من حياة الناس و هما بيسوا  جزء مننا من غير ما ناخد بالنا و لا هما ياخدوا بالهم، حتي لو الناس نسيت احنا مين.
          
          انك تعيش من غير ندم و ذنب هو اسلم عشان الروح متتسمش من جوا و تاكل في نفسها من الحقد و الكراهية. التيم بتاعي من بحث التخرج هيوحوشني اوي و انا سيبت بصمة و نهاية جميلة و  لسه هشوفهم  ان شاء الله  و عندنا شغل كمان بس ممكن بعد كام شهر كل الي عملتوا يتنسي بس بتمني ان خرجوا بحاجة جميلة .
          
          انا كنت ممكن عمري ما اقابلهم ولا كانت هتفرق، بس ان احنا نخلق حاجة جميلة و فخورين بيها، كل الي اقدر اعملوا اني اعيش بدون ندم و حقد و احاول اكون احسن نسخة من نفسي (ايا كان ما يعنيه ده)
          
          عشان اه الحياة العابرة و محدش هيتفكر احنا مين و لا احنا هنعرف نتفكر، بس نقدر نعدي علي حاجة عابرة جميلة و نسيب بصمة حلوة عشان كده كده محدش هيتفكر حاجة.

"Never look back, Vanderbilt, always look ahead in life.What is one life in the affairs of a state?"
          "لا تنظر للخلف أبدًا يا فاندربيلت، دائمًا انظر للأمام في الحياة.. ما هي حياة واحدة في شؤون الدولة؟"
          
          المقولة دي منسوبة للديكتاتور الفاشي موسوليني، وهو طاير بعربيته في شوارع إيطاليا و خبط طفل. و رغم إن تفاصيل القصة فيها جدل تاريخي، إلا إن الكارثة الحقيقية كانت في رد الفعل لما جنرال أمريكي حكاها علنا اتعرض للاعتقال و المحاكمة العسكرية عشان "أهان رئيس دولة أجنبية صديقة"!
          ايوه ايطاليا كانت ساعتها صديقة قبل الحرب العالمية التانية
          
          ليه دولة تدعي الديمقراطية تقلب الدنيا وتعاقب بطل حرب عشان قصة قالها على مسرح؟
          عشان الشخص ده كان اسمه سميدلي بتلر (Smedley D. Butler) والقصة كانت مجرد حجة لتأديبه.
          
          بتلر ما كانش مجرد عسكري؛ ده كان أسطورة حية، واخد وسام الشرف  مرتين، وقواعد وسفن أمريكية اتسمت باسمه. لكن في نفس الوقت، المنظومة مسحت تاريخه الحقيقي من كتبها تماما.
          
          ليه؟ لأنه بعد ما تقاعد سنة 1931، وشاف الآلة العسكرية الصناعية مش بتقف، كتب كتيب صدم أمريكا كلها اسمه: "الحرب تجارة رابحة" (War Is a Racket).
          
          لو شوفت صوره في أواخر أيامه، مش هتلاقي جنرال أنيق ولامع ومغرور زي ماك آرثر مثلا؛ هتلاقي راجل وشه شاحب، مريض. 
          راجل قضى 33 سنة خدمة في المكسيك، هايتي، كوبا، و دول الكاريبي والصين،  واكتشف فجأة إنه ما كانش بيحارب عشان "الحرية" ولا "حماية الديمقراطية"، بل كان مجرد أداة و بندقية مأجورة عشان يضمن أرباح شركات النفط والبنوك الكبرى و الشركات.
          
          الشباب الصغيرين اللي دخلوا الجيش بدافع الوطنية و العلم، كان مصيرهم يدخلوا المفرمة عشان أصحاب الملايين تتضاعف ثرواتهم، بينما المصابين و اللي فقدوا عقولهم اتركنوا في مستشفيات المجانين بدون أدنى رعاية. و الاسلحة الي اتقتلوا بيها كانت برءات اختراعات امريكية مرخصة، محدش قالهم ان السبب الحقيقي الفلوس ، اتقالهم ان هي مغامرة عظيمة.
          
          
          في كتابه قال:
          "لم أكن سوى رجل عصابات لحساب الرأسمالية.. أقصى ما استطاع آل كابوني فعله هو إدارة نشاطه الإجرامي في ثلاث مناطق؛ أما أنا، فقد أدرت نشاطي عبر ثلاث قارات!"

"The crisis consists precisely in the fact that the old is dying and the new cannot be born; in this interregnum a great variety of morbid symptoms appear."
          
          -Antonio Gramsci