Bahlul Hasanli

And one day the blind pianist plays his last note...

Heçnə əvvəlki kimi olmur. Hər gün, hər şey dayanmadan dəyişir. “Mən dəyişmirəm” desən belə. Bugün günəşin batmasını izləyərkən çəkdiyin siqaretdəki keçirdiyin hisslər, elə o günəşin batmasıyla sonlanacaq. Və o hissləri birdə heç vaxt keçirməyəsən. Təkrar olmayacaq.

suallar olmayan yerdə bəhanələr olmur, bəhanələr olmayan yerdə yalanlar olmur. (Çak Palanik)

Yenə səhər açılır, çırpınır otağın pəncərələri.
          Geyinib qara libasını deyir ki, oyat kölgəmi
          Sadəcə aldat məni, ruhumla qonaq gəlim
          Zühr edib hüzurunda görəcəm xəlvət səni.

(M)Səni
          
          Rastıma çıxır yenə xəyallar,
          Sakit bir boşluqda boğurlar məni.
          
          Nəbzinə tuş gələr şirin yalanlar
          Qaçaraq dalınca qovarlar səni.
          
          Həsrətlə gözləyər günəş gecəni,
          Batmaqla qorxudur gecələr məni.
          
          Cürətlə tuş edib ruhuna ona,
          Əlacsız qoyarlar zamanla səni.
          

Üşüyəcək ruhun əcələ qarşı gələndə,
          səhralar belə soyuq olur gecələr..
          
          Təqvimlər yenə sayıqlayaraq günləri,
          səni yamsılayacaq gecələr..
          
          
          

Gecələr ərşə çəkir dar yuxularımı,
          Durub agah olub, bir-bir sayacaq qəm yuxularımı. 
          
          Bir xəyal ki, aldadar saf gözlərini,
          Onda bilərsən ki, o saflıqda atıb, şən yuxularını.
          
          Bixəbər oluban, dörd açaraq gözlərini,
          Məna axtarma içində, batacaqsan sel yuxularının.

Keçmiş günlər indi harda?
          Qəlb döyünər intiharda
          Ruhun qonaq olar mənə
          Uzaqlarda...uzaqlarda

Xan qayıdır!

Qəlb küsüb artıq, gülüşünü unutdurub üzümdə.
          Geri qayıtmaq qədər acı vermir,
          Sənə içib ağlamaq özümdə.