bcvfdakoj
هل تعرف معنى أن تبتر
بعضك لتنقذ بعضك ؟
bcvfdakoj
كيـف لـه أن يـكـون مـاضي وهـوة يـرافـقـنـا كـل يـوم
bcvfdakoj
bcvfdakoj
قبل كم يوم جنت احجي وية فرقد .
وحجة كلمه جاوبت عليهة بداخلي وما كدرت احجيهة كدامه لان اكو كلام مو الكل يتعمق بمعنا
جنت احجيلة عنج وانو اني الي ابتعدت وحجيتلة عل الاسباب
ف كال... وليش هل تعقيد اضم عنهة الضروف الي امر بيها وخلص ما مجبورة تحجيلهة كلشي اذا هيج تتأثر وتتأذة على مودج ....
هنا صفنت يا ترى اكدر اسوي نفس ما كال
بس الما يعرفه هوة انو مسافه بين البصرة والموصل
بدون ما اشوفج غير بالصور
بدون ما اعاشرج واعرف عنج غير الي تحجيلي ايا
بدون ما اسمعج الة مرات معدوده تنحسب بالايد
قبل لا يصير وياج شي احس عصرة بكلبي عجيبة
واجي اسألج واراسلج بدون شعور اتاكد اذا جان صار وياج شي او لا
ولاحضت هل شي عندج نفس الشي نفس الشعور والتصرف
الما يعرفه ترابط الروح بيني وبينج هوة مو اكتب اليعجبني واحذف المايعجبني
هوة بشر احجي ويا كانو بيني وبين نفسي ومن تحجي وية روحك ماكو حجاب بيناتكم تكون فاهم الي بداخلك وفاهم الي يدور جواك
علاقتي بيج مو شي مصطنع اتحكم بي
اثقين تجي ايام ينعصر كلبي بشكل مرعب ودمعتي بطرف عيني لدرجه ما اعرف اسوي شي بيومي
واجي هنا والله بدون شعور الكه نفسي هنا
والكاج كاتبة
وصرت اعرف هل شعور واحس بوجودج شاهد الله عبالك واحد يجي يشوفني واني نايمه واحس بدخلته علي
هاذة الي ما كدرت احجي لاخوي لان مراح يفهم ولا يستوعب راح يمر علي الكلام كانو مشاعر اشتياق وتسطير كلام بس ما احس روحي وصلت الي بداخلي رغم كل الي كتبته
اشتاقيتلج
واتمنى عندي الجرئة اجي واحاجيج بس خايفه
خايفه اسمع عتب زعل أو حته ممكن صد رغم اعرف معزتي عدج بس سنتين كفيلة تزرع الخوف بتفكيري
الخوف من المواجهة
ندمانه على هل قرار الي اخذتة بساعه ضعف ويأس وحزن وخوف عل الاحبهم يمكن من كد ما اذاني فراك امي عكست تعبي على علاقتي بيج توقعت المعانات الي امر بيها جاي تاخذج من بينج وزوجج أو تنطيج حزن بداخلج جان الحزن مخليني جثة تتحرك واتخيلت هل شي عليج حسيت من احجيلج جاي يصير بيج مثلي احس بتعبي واتخيل جاي اتعبج مثلي احس يومي ما يمشي وكتي ثكيل واحسج مثلي جنتي
جنت خايفه التعب هاذة يصيبج وابتعدت
اسفه واسفي كل ما يمر ذكرج على بالي اذكرة واحجي واتمنة تسمعينه بس .☹️
أَنتيِ بروُحي للأٓبد
bcvfdakoj
ما اعرف شنو الي رجعني
او يمكن انه ما رحت من الأساس كل ذرة بروحي جانت تحوم هنا بين ذكرياتهة والمهة وندمهة
الي يعرفج صعب يندم على معرفتج رحمانتي
انتي شي يسر الگلب انتي ضحكت ايامي وسند ما تعوضة السنين من اقيس كل ذكرياتي الحلوة رغم قليلاً بس انتي وامي جنتي اعضمهن
ومن رحتن عرفت ماكو شي راح اخسرة ممكن يكون اكبر منجن
امي اختارهة رب العباد وهل شي انفرض علي
بس بعدي عنج جان باختياري هل مرة
اعرف ما تستاهلين هل شي مني بس شايفه مرات الي من كد المحبة ياذي اليحبة هاذة الي صار وياي
انتي شي نقي ونضيف من اعماقة وانه حياتي كلهة خربطه بخربطه من جنت اكول مليانه اكشن جنت ماخذتهة للمزح
بس فعلاً اني حياتي من مصيبة إلى اخرى وانتي عشتي جزء من كل تعب عشته مرضي حزني وحدتي علاقتي بزوجي فراكي لجهالي غير الي سوتة بيج الي ما ينذكر اسمهة اثرت على نفسيج وعلى راحت بالج وعشتي وياي الحزن اكثر من الفرح وانتهت بفراك امي وحته مشاعري الي تخربطت عشتي جزء منهة انتي جنتي رفيقت روحي بس احس كل هل الاشياء تعبتج وياي اختاريت ابتعد واتركج تعيشين براحتج بعيد عن حزني وحياتي الي ربي ما كاتبلهة تصفه بيوم جانت وما زالت مخربطه
عجزت ارتبهة وجنت خايفة ادخلين وياي بهل دوامه الي ما اعرف يمتى ممكن اطلع منهة يكولون ممكن تختار اختيار غلط تدفع ثمنه العمر كلة وهاذ الي صار بية
وكسرت امي طفت روحي وخفت عليج تنطفين وياي
ابتعدت رغم جانت روحي بيج
ابتعدت رغم مالي سند من بعد الله غيرج
ابتعدت رغم كل يومين اني هنا اراقب كلماتج السابقه والي تكتبيهن
وارجع منهارة واتمنى احجي وياج
واكول ما تستحق هل حزن
يمكن الف حساب سويت شوية وارجع احذفه بلكي اكدر ابتعد
بس هيهات انتي روحي الي الله خلقهة بغير ديرة
اشتاقيتلج وهل كلمه ما احسهة توفي واحس بعد ما اختاريت ابتعد هل كد بأرادتي مستحية ارجع واكلج شكد روحي تتمنى تشوفج وتحجيلج صوتج وصورتج وكلشي عشته وياج كل ليلة ضيفي مثل صورت امي
اسفه وهل كلمه ما توفي
وانتي ما تستاهلين وحده مثلي
انتي شي نقي وانه شي موج التعب الي مريت بي خربط روحي وخايفة هل موج يتعبج وياي
احبج وما عندي صديقه واخت لا قبلج ولا بعدج اتمنى تسامحيني
انتيِ برُوحيِ للأَبد