bella_p18_2004
سلام
ادري اني انقطعت ومعد صرت ادخل على الوات هذا غير اني بالمره معد اكتب
اكتئابي زاد من دخلت الكليه كويس عديت ترم والترم هذا كان غريب درجاتي ملخبطه عندي اعمال كثيره وراي وانا بس اناظر لسقف غرفتي وهو يناظرني احس وصلت لاخر مرحله شعري يتساقط بشكل فظيع لدرجه بدأت الفراغات تظهر نفسيتي في الحضيض نومي غريب كل شي غريب معد اتحمل اي كلمه او اي شي وهذي الايام كل ماتجي بنت اختي لغرفتي تبي تلعب معي بالسوني اصرفها واطردها ومرات ماتبي تخرج تعرفون عناد الاطفال وقتها احس اني بأنفجر واتكلم معها بصوت عالي عشان تخاف وتخرج وبعدها تأنيب الضمير كأننا في دائره يتكرر نفس الشي ايامي تعدي كأنها ثواني واحس على صدري جبل ماني قادره اتنفس رحت ابحث عن العلاج النفسي بس صوت داخلي ينتقدني وعلطول سلبي ويخلي ضميري يأنبني كثير هذي السنتين الاخيره كانت اصعب سنتين مرت علي في حياتي من قوه الاكتئاب الي فيني رحت على موقع الجامعه بأنسحب هذا الترم بس ماقدرت اضغطه لاني مترددة بسبب اشياء كثيره اولها اني عديت الي اصعب بس برضو نفسيتي تعبت اكثر هالترم وكمان باقي شهرين تقريبا على نهايه الترم يعني حرام الوقت الي راح وانا اداوم في النهايه انسحب رغم اني ادري اني بأنضغط هالشهرين لان رمضان كله ما خذينا الا محاضره او ثنتين وحياتي مشتته حاليا ماني قادره اخذ قرار اتمنى في هاللحظة يصير شي يتوقف الزمن يصير اي شي بس مايمشي الوقت بسرعه لان عندي فاينل الاثنين وتسليم مشروع عملي نهائي يوم الثلاثاء وماني قادره ارفع حتى جفني كأني جثه محد بيفهم مشاعري الا الي عايشو شعور الاكتئاب الحاد
بس اتكلم طول الوقت احاول اشيل المشاعر السيئة الي قاعده احس فيها علطول احس اني اتنفس الجحيم انا اتنفس بس مو اتنفس لحظات اقوم من سريري بسرعه احس اني مكتومه واحاول اخذ هوا بس نفس الشي
اذا احد قرأ واتمنى محد لان احس وصلت حدي احتاج افرغ شوي منها بس لسى نفس ماهو الشعور اتمنى اني مانقل طاقتي السلبيةلاحد والله ماتمنى لاحد الي احس فيه حرفيا من الصبح كلشوي اقوم ادور في البيت احس مكتومه ومو عارفه اتحكم بمشاعري ونوبات الهلع الي تجيني من اسخف سبب اخاف في النهايه يجيني مرض عضوي خطير وانا مستغربه لحد الحين انه ماجاني بس استودعت الله صحتي
