brarna09
من يستطيعَ ان يُخرِجَكَ من اعماقي
وانت تسكن في الدَرك الاسفل من القلب
حرب العشاقِ تبدأُ بِتبادلُ اطلاق الانضار
والطرف الاكثر ضعفاً
هو الذي يستشهِدُ خجلا
لم اكُن اعلم بِأنهم استبدلو النضرةِ برصاصه
كان على اعلامي اِعلامي
ابيته مرايه قديمه
انكسرت وكسرتلي كلبي
كبل خمس سنين اذكر
بيها طالع وجه ابوي
وجه ابوي الله يرحمه
استغفرالله هواي زحمه
وانه بالقرأن اعرف
وجهه مو مرحوم رحمه
رأيتُكَ فأصبحتُ انا لا ادري من
او حالي من!
في يقضَتي او حالِماً
لا ادري من اوحى لمن
ماذا لو افقت الان !
فهل يا تُرى تَرى؟
شرد اكول هواي بيه
والمصيبه بروحي تنزف
بس يكتلك جرحي ناشف
جرحي شايل نرجسيه
انه
انه شايل مستحه المحد خطبها
المن تريد تناجي ربها
تكله ربي ربي وتستحي تكمل طلبها
انه المبلل غياب وخايف اكثر، لو كثر
انه اول واحد مبلل يخاف امن المطر
انه اول نورس يبين حدادة وسمته غراب البشر
انه اخر كلمه، نقطه وينذبح راس السطر
والله لو اكتب تفاصيل انتضارك اترس الدنيه حبر
و الي يعرف راح يودع ما يمل من ينتضر
الشمس تكتب وصيتها العصر
وهم اشوفك؟ جاي اشم ريحة امل
يالفركتك غربه
يالملكاك اهل
السهر: هو الشيئ الذي يَقطع صِلةُ الرحم بين جفون العين
الليل بعيوني انتجه
وصوت اسمك ابالي انحجه
ومدري يا عين البدت بيها البجه
للنوم جن رايح حرب
من خلصت ليلي" الصبح لاكيت روحي مدججه
صور الفَرحِ المُعلقةِ على جِدارٌ مجهول
هي ملامحه الكاذبه
عَدمِ بقاءُ عُطرِكَ في بيتنا لا يعني جفاءٍ منكْ......
الغايب عطره وياه
كما إِن الموت لا يَقِفَ عائقاً بينَ سَمعِك وبصري
أذكُركَ فَتفقِد مَلامِحي الوانها
فتنتابني غصه
تتكفل بتلوني
ثم تلويني
و ان كان القمرُ شاهِدي على ما اقُول لليل
يا كمر بس ردت اكلك للعلم
بعده صار الليل ما يسوه حلم
كلمات الشاعر:حسين علي المطوري