byunpiggy

ငါ အိမ်က ထွက်သွားတော့မယ်ဆိုတော့
          ငါ့အဘွားဟာ ငိုတယ်။ ငါ့ကို ချော့တယ်၊
          မနက်မိုးလင်းတိုင်း နှစ်ရာကျပ်ပေးမယ်
          အဘွား မသေမချင်းတဲ့။ အသုဘရှိရင်
          ဖဲရိုက်ဖို့သပ်သပ် ပေးဦးမှာတဲ့။
          အဘွားချက်တဲ့မုန့်ညှင်းစောဟင်းရည်
          မသောက်ရပဲနေနိုင်လို့လားတဲ့။ အဘွားကို
          မဂ္ဂဇိန်ဖတ်ပြဖို့ ငါ့သား မရှိလို့
          မဖြစ်ဘူးလေတဲ့။ ဂစ်တာတီးပြရဦးမှာလေတဲ့။
          
          ငါမမှတ်မိတော့တဲ့ငါ့အကြိုက်တွေ
          တတွတ်တွတ်ရွတ်လို့ပေါ့။
          ငါက ငယ်ရွယ်တော့မိုက်မဲခဲ့တယ်။
          စောက်သုံးမကျတဲ့ စာအုပ်တချို့
          ဖတ်ပြီး စွန့်စားချင်လွန်းခဲ့တော့ကာ
          နှင်းတွေ ပိန်းပိတ် အောင် မှောင်နေတဲ့
          မနက်ခင်းတစ်ခုမှာ မြင်းလှည်းပေါ်တက်ပြီး သင်္ဘောဆိပ်ဆီထွက်သွားခဲ့တာပါပဲ။
          မြင်းလှည်းနောက်မြီးလေးကို ကိုင်ထားတဲ့
          အဘွားက ဘုရားစာတွေ ရွတ်ပေးနေခဲ့သေး
          သလား ဝိုးတဝါးရယ်။
          
                အဖွားဟာ တစ်ဘဝလုံး ထမင်းချက်တယ်
                အဖွားဟာ အမြဲမီးမွှေးနေတော့တာပဲ။
          
                                             (ဝေးခေါင်)
          
          နှစ်ချို့ တချို့ကြာတိုင်း ငါပြန်လာတယ်။
          ငါ့အဘွားဟာ မီးဖိုထဲကမထွက်ဘူး၊
          ငါမပြန်မချင်းပဲ။ ငါ့စွန့်စားခန်းတွေကို
          တမေ့တမော နားထောင်တယ်။
          လန်ဒန်ဆစ်ကလက်လေး တဖွာဖွာနဲ့
          ငါ့မြေးက ဇာတ်လိုက်ပဲလို့ ငါ့ပုံပြင်တွေဆုံးတိုင်း
          မှတ်ချက်ချရင်း ကျေနပ်နေပြန်ရော။
          အသည်း နှလုံးမရှိတဲ့ ငါက ထပ်ထပ်ပြီး
          သူ့ကို ပစ်ထားခဲ့ပြန်တာပါပဲ။
          ဒီတစ်ခါ ငါ့မြေးပြန်လာရင်
          အဘွားရှိချင်မှရှိတော့မှာပါလေ
          လို့ ဆွေးမြေ့မြေ့ကြီးပြောပေမယ့်
          အသည်းမာတဲ့ ငါက မျက်နှာကျက်က
          မီးလုံး တွေကို ငေး ကြည့်ရင်း
          မျက်ရည်ဝဲနေတာကို ကာကွယ်နေကျပေါ့။
          
                     [ ပါပီယွန် ]
          
                " ငုံးအိမ်ကျူလ ( ဗန်းမော်ဗားရှင်း/မှ ) "
          
          - Pic From Pinterest "

အမေက ကျိန်စာတိုက်နေပြီ 
          
          နင် အသက် ၃၀ မှာ နောင်တရလိမ့်မယ်တဲ့ 
          ငါခိုင်းတဲ့အတိုင်း မလုပ်လို့ 

ဒီအချိန်ဆို ဘာအလုပ်မှမလုပ်ချင်တော့ဘူးဟာ 

ငါ အလုပ်ထွက်မယ် 
          ငါနဲ့ ဒီအလုပ်မကိုက်ဖူးလို့ အားးး 
          လုပ်ချင်ကိုင်ချင်စိတ်မှ မရှိဘဲ မကြိုးစားချင်ဘူးလေ အလုပ်ထွက်မယ်လေ အားးးး 
          ငါမပျော်တော့ဘူးနော် 
          
          Customer နဲ့ ထိတွေ့ရတာ သူတို့ကို ဝန်ဆောင်မှုပေးရတာ မလုပ်ချင်ဘူးလို့ 
          အားးး အရမ်းစိတ်မရှည်လို့ 
          
          Customer တွေကို မုန်းနေတာလေ ငါက 
          အားးးးး မလုပ်ချင်ဘူးးးး
          ငါက အရည်အချင်းမှမရှိဘဲ အဲ့ဒါကြောင့် salary ကမရဘူးလေ ငါနဲ့ မဖြစ်ဘူးလို​့ အားးး 
          အလုပ်မသွားချင်ဘူး မလုပ်ချင်ဘူးးး 
          
          Bus စီးရတာ အရမ်းပင်ပန်းတာပဲ 
          ပြန်လာရင် အိပ်ပလိုက်ချင်တာ 
          Deadline ကိုလည်း အရမ်းမုန်းတာပဲ အားးး 
          အမြဲတမ်း ကျော်နေတာ အားးး အီးးးးး 
          ငါနဲ့ ဒီအလုပ်မဖြစ်ဘူး 
          ငါ တစ်ခုပဲ အာရုံစိုက်နိုင်လို့
          နှစ်ခုမလုပ်နိုင်ဘူး အားးး မဖြစ်ဘူးးး မရဘူးးး အားးး ပင်ပန်းတယ် ဟင့် ဟင့် ဟင့် 
          

ငါတို့အလုပ်ကလူတွေက မအိပ်ကြဘူးထင်တယ် 
          
          သူဌေးက ၂ နာရီအထိ စာတွေစစ် လေ့လာသင်ယူ မှတ်ချက်တေီပေး 
          
          Gd အမကလည်း မအိပ်ဘူး 
          
          စီနီယာတွေလည်း မအိပ်ဘူး စာရင်းတွေ ပို့နေတုန်း 
          
          မန်နေဂျာကတော့ အိပ်ပြီ but မနက် ငါးနာရီကတည်းက အလုပ်လုပ်နေပြီ 
          
          ငါလည်း မအိပ်ဘူးလေ ဝတ္တုဖတ် ဖုန်းသုံးနာ 

Deadline ကြောက်တာကနေ 
          Dl ကို ကျော်သွားလည်း အိပ်ကောင်း စားကောင်း nf ပွတ်ကောင်းတဲ့ အဆင့်ရောက်နေပြီ 
          
          တနေ့နေ့တော့ client ဆဲ၊ သူဌေးက ဒဏ်ကြေးရိုက်တော့မှာ ငါ့ကို 

ဘာလို့ ဘာအလုပ်လုပ်လုပ် မအူမလည် ငတုံးဖြစ်နေလဲမသိဘူး 
          အဆင်ပြေတာလည်း ဘာတခုမှမရှိဘူး 
          ပျင်းသေးတယ် လုံ့လလည်းမရှိ 
          အဲ့တော့ ကိုယ်တိုင်ကပါ လေးစားမှုမရှိနဲ့ 
          အမေနဲ့ရော အဖေနဲ့ပါ အဆင်မပြေ 
          အလုပ်မှာ client နဲ့ အဆင်မပြေ 
          အလုပ် skill မရှိ မရှိတော့ လစာနည်း 
          အခုပဲ သုံးလပြည့်ပြီး လစာက ကလေးမုန့်ဖိုးလောက်ပဲ ရတယ်  
          12 တန်းအောင်ကလေးတွေတောင် ငါ့ထက် ပိုရအုံးမယ် 
          ငါ ဘာလို့ အဲ့လိုဖြစ်တာလဲ 
          ဘာလို့ ငါ့မှာ ဘာအရည်အချင်းမှမရှိတာလဲ 

မင်းရောက်လာမှ
          ပန်းရောင်စုံတို့ အိပ်ရာက နိုးကုန်သည်
          သစ်သီးတို့လည်း ချိုတော့သည် ။
          
          မင်းရောက်လာမှ
          ကြင်နာခြင်းလိမ်းကျံထားသော
          သောကလက်ကို ငှါး၍
          ငါ့အချစ်တံခါးကို 
          ခေါက်မည့်သူလည်း ပေါ်တော့သည်။
          
          မင်းကို မြေမှာမြှုပ်ထား ပတ္တမြားဖြစ်၏
          မီးနဲ့ရောမွှေ ရွှေဖြစ်၏ 
          
          မင်းကို
          ရေမှာမျှောလျှင် ပန်းပင်လယ်ဖြစ်၏
          လေထဲ လွှင့်ပစ် ချစ်ရနံ့ဖြစ်၏
          
          မင်းကို
          ထက်ခြမ်းခွဲချ နေလဖြစ်၏
          ကောင်းကင်မှာဖြန့် သက်တန့်ဖြစ်၏
          
          မင်းကို
          ငါ့ခေါင်းထဲနှစ် အိပ်မက်ဖြစ်၏
          ငါ့လည်မှာဆွဲ ငါ့ရင်ထဲမှ အသဲဖြစ်၏
          
          - " အချစ် " ကဗျာမှ
           #သစ္စာနီ 
          
          - Me Before You ( 2016 ) 
           #cinesmelodies #movies

သူတို့ လူငယ်ဘဝက
          ဟန်းဖုန်းနဲ့ လက်ပ်တော့ပ်နဲ့
          ကျွန်တော်တို့ လူငယ်ဘဝက
          ချိန်းကြိုးနဲ့ ဂစ်တာနဲ့
          
          သူတို့ လူငယ်ဘဝက
          ကွန်ဒုံးနဲ့ တည်းခိုခန်းနဲ့
          ကျွန်တော်တို့ လူငယ်ဘဝက
          နေကြာစေ့ထုပ်နဲ့ ရုပ်ရှင်ရုံနဲ့။
          
            #လှသန်း

တကယ်တမ်းက လူတဦးတယောက်ရဲ့ နေထိုင်မှုက ကမ္ဘာပေါ်ရှိနေသမျှ သက်ရှိအားလုံးအပေါ် အကျိုးပြုနေဖို့ မလိုအပ်ပါဘူး။ ငါတို့ဟာ စူပါဟီးရိုးတွေမဟုတ်ကြပဲ ငါတို့ဟာ သာမန်လူတွေဖြစ်နေလို့ပါပဲ။ အသက်ကြီးလာမယ်။ မင်းရဲ့ဘဝစက်ဝိုင်းထဲမှာ လူတွေနည်းလာမယ်။ ဒီနေရာမှာ ‘အသုံးဝင်ခြင်း’ ဆိုတဲ့ ဓာတ်ခွဲခန်းသုံးစကားလုံးနဲ့ ဘဝကို ငါတို့မတိုင်းတာဘူး။ ဝန်းရံထားတဲ့ချစ်ခြင်းတွေနဲ့ပဲ တိုင်းတာစေချင်တယ်။ 
          
          မင်းမွေးထားတဲ့ခွေးကလေးက မင်းအိမ်အပြန်လမ်းမှာ အမြဲစောင့်နေတတ်ရင်၊ ကြမ်းတမ်းတဲ့ဒီကမ္ဘာကြီးမှာ မင်းနဲ့မင်းအမေနဲ့ တယောက်ကိုတယောက်မှီခိုနေရရင်၊ မင်းကိုဆုံးရှုံးရတဲ့အခါ မင်းသူငယ်ချင်းတွေဆီမှာ ကွက်လပ်အကြီးကြီးတခုဖြစ်သွားမယ်ဆိုရင် ဒါဟာ မင်းရဲ့အသုံးဝင်မှု/အရေးပါမှု/ အချစ်ခံရခြင်းနဲ့ ချစ်ခြင်းရှိမှုပါပဲ။ 
          
          မိုးရေထဲမှာ ခိုက်ခိုက်တုန်နေတဲ့ ကလေးလေးရဲ့လက်ထဲ မုန့်တထုတ်ထည့်ပေးဖို့၊ မင်းရဲ့လက်ကျန်ပိုက်ဆံနဲ့ မင်းဆီ မုန့်လာပို့တဲ့လူကို ဘောက်ဆူးပေးလိုက်ဖို့၊ ဆိုက်ကားပေါ်ကဆင်းတိုင်း ကျေးဇူးတင်ပါတယ် ပြန်မအမ်းပါနဲ့လို့ ပြုံးရယ်ပြီးပြောဖို့။ မင်းနှလုံးသား နွေးထွေးအေးမြသွားတိုင်း မင်းရဲ့အရေးပါမှုကို မင်းမြင်လာမယ်။ မင်းလက်တွေကို ပိုပြီးဆန့်တန်းနိုင်ဖို့လည်း စိတ်ဆန္ဒရှိနေသေးတယ်ဆိုရင်။ မင်းဟာ ကမ္ဘာကြီးထဲက မြို့သေးသေးလေးဆီက ဘားဆိုင်တခုမှာ တိုးတိုးလေးဖွင့်ထားတဲ့ Country သီချင်းတပုဒ်ပါပဲ။ 
          
          ငိုပါ။ စကားပြောပါ။ ဘာပဲဖြစ်ဖြစ် မင်းအသက်ဆက်ရှင်နေဖို့သာ လိုပါတယ်။
           #ဆပ်ရိပ် 
          - တကယ်လို့များ အသက်ရှင်နေရတာ အသုံးမဝင်ဘူးလို့ ခံစားနေရရင်လေ
          
          ◼️ Little Miss Sunshine (2006)
           #cinesmelodies  #movies