ccxvaii

خليك مثل طير النهر 
          	يغرد على عناد الدهر
          	اييه شيغرد الطبعه القهر؟
          	وهمومه زخات المطر..

ccxvaii

چا يمته الوكت يندار 
          چا يمته الحزن ينفض 
          يفلان الوجع يفلان 
          شتى بگاعنه وگيض 
          وهاي الروح، حفنت عنبرات بجوع كلها وگام يتلمض 
          مالوم، وعليه اللوم وأذب الصوچ بظروفك
          وأزت الليل بالحسرة 
          وأنام بشارب ظنونك، يهلبت كون يلفني
          ومادامك صرت بذات، نام بمكسر الشمات
          شحوه أشلوح الفرگاك 
          وأعز أعليك روحي وچلمة شلونك
          وأشوفنك ضحك سني گام وطاح
          بيه الليل يركضلك ركض مچتوف
          ولگيتك نار لچن ماتونس الضيف
          چي صاير حطبها گطوف..

ccxvaii

تريد شموع؟
          اشعشعلك 
          ولو شوفي أعله شوگك نار مايبرد شمع ضيها
          ردتني ضلوع؟
          اضلعلك
          ولو ماتوسع ضلوعي لهواك شما كبر فيها
          ردتني دموع؟
          ادمعلك
          ولو ماتستر دموعي أعله عيني وحسنك صبيها
          ردتني؟
          شما ردت ويهون 
          ترمد للشماته عيون 
          لو رديت للديرة الحنينة ويبتشر حيها
          يوين مروتك حيها؟
          رضت روحي بجليلك خايب شسويت؟
          نايم بالبراد وتگطع شويها؟