
chaddrasull
عرفنه بأنه مو دائماً الماضي أله مكان بالحاضر أو حتى بالمستقبل أحياناً اللي صار بالماضي الأفضل بأنه يبقى بالماضي ، والصفحه اللي قلبتها الأحسن تضل مطويه ، والحجي الهوايه اللي چان لازم ينحجي بطل أله معنى ، ومراح يغير شيء ، عرفنه بأنه القلوب تتغير ، والنفوس تتقلب ، والحياة وحده ، والشيء اللي تكسبه ممکن گدامه تخسر شيء والشيء اللي تخسره تکسب گدامه الف شيء ، والأشخاص مهما چانت أدوارهم مميزه بحياتك همه بالنهايه مجرد أضافه يكملون رسالتك بالحياة ، وأنك أنت البطل بحكايتك ، وأحياناً الشخص اللي يدخل دائرتك ويطلع منها يحمل رساله عظيمه يمكن تكون أهم من أستمرارية العلاقه ، دائماً بكل قصه أكو تفاصيل خفيه ، محد راح يفهمها غير بس اللي عاش بيها