chamakmak

@ chamakmak  
          	  
          	  رح ترتاحي ورح تلقي الي يصرف عليكِ ويسندك بإذن اللّٰه، المهم انك ما تيأسي مهما كانت الظروف متعبة اعرف أنو مو من حقي اني أقول هيك لأني ما جربت الي تعيشيه بس أنا كأخت لك في اللّٰه أقولك لا تيأسي من رحمته ...
          	  اللّٰه يعرف معاناتك وصراعاتك وسبحانه ملم بكل احساس سيء يراودك واللّٰه ارحم فيكِ من نفسك فلهيك أي سيناريو تمنيتيه يصير بدل الي صارلك صدقيني مش مناسب لألك اذا مو الآن مستقبلًا، لأنو البني آدم يدرك اللحظة فقط بينما اللّٰه يعرف الرحلة بأكملها ولهيك أنتِ بأمان... وكمان "لو عرضت الأقدار على الناس لإختار كل شخص ما كتبه اللّٰه تعالى له" هذه كلها أقدار مكتوبة والحمد للّٰه لأنه سبحانه ما ترك حياتنا للصدف أو الحظ بل كان أرحم بنا...لهيك لا تخافي ولا تحزني...
          	  أنا مريت بتجربة وابتلاء لفترة طويلة هلك روحي حرفيًا ودائمًا كنت أقول أني مش عارفة شو الحكمة من مروري بهذا الإبتلاء، لكن بهذا الوقت لما أشوف نفسي أقوى من قبل ولما أمر من ظروف ومصاعب بدون ما اتأثر كثير ــ مع العلم اني لو مريت فيها بشخصيتي الي زمان كانت رح تدمرني ــ أقول الحمد للّٰه لأني الآن أقوى بسنين ضوئية من قبل...
          	  ما انتهت معاناتي للأمانة ولساته الإبتلاء نفسه مرافقني بس الحمد للّٰه أنا هسا قادرة أوقف  وأكافح بعزيمة أكثر من قبل.
          	  
          	  واذا مش مرتاحة بشغلك الحالي حاولي تدوري على شغل غيره يعني استمري بوظيفتك الحالية وبنفس الوقت حاولي تدوري على وظيفة ثانية تريحك أكثر وتستمتعي فيها أكثر...
          	  ولأنك تحبي الكتابة كثير دوري على مكان يتضمن الكتابة وبنفس الوقت يوفرلك دخل وحاولي ما تحملي نفسك فوق طاقتها تمامو...
          	    
          	  والسلام عليكِ ورحمة اللّٰه وبركاته في أمان اللّٰه وتوفيقه ورحمته.

@chamakmak هات رقم الحساب عشان انا سوف هيلب يوو

بس*