wendy_pink07
اوقات بفكر اديك بالروصية
cursed_writer
cursed_writer
مرت بينا الساعات
وكلامنا كان سكات
توهنا ونسينا روحنا والوقت علينا فات...
riroland
@wendy_pink07 بتمنالك التوفيق يحبيبتي وانك تلاقي الشغل الي بتحبيه والمرتب الي بيرضيك ويعجبك
cursed_writer
صباح الخير...يلعن ميتين أم الصهاينة والاتش آر والناس اللي بتنزل تشتري رنجة الساعة ٧ الصبح (بالنسبة لبتوع الرنجة فمش كلهم، كان معاهم واحد تايب)
cursed_writer
@wendy_pink07 بيسألني بكل جرأة "هي هيحصلها حاجة لو سبتها في العربية لحد آخر اليوم؟" كنت عاوز أقوله هيحصلها إيه أكتر من اللي هي فيه
cursed_writer
@taherahmed123 طب ولازمتها ايه حضرتك بقا
cursed_writer
مع احترامي للإيمان والتدين، بس "اللهم إني أبرأ إليك من ذنوبهم" في كل فصل من فصول كتاب الكاتبة الشقية، اللي هو أصلًا أنجس من قصة إباحية هو دا اللي هينجيها من حر جهنم؟ واحنا اللي في الآخر بنهدم القيم والأخلاق بروايات المثليين؟
sohaila_deathmort
@cursed_writer بطلت أقرأ انتي كاتبة ايه بعد اول كلمتين، الدين والتدين ملهوش علاقة بأننا بنقترف ذنوب وبنعترف بيها
cursed_writer
بعد إذن الحب المجنون والعشق الجامح، بس مينفعش بطل الرواية يطلع موظف في الشهر العقاري مثلًا؟ أقصد إنسان عادي من اللي عايشين معانا يعني بيشتغل شغل عادي وبيحب زي الناس العادية، مش لازم يكون أخطر رجل مافيا في العالم عشان يستحق البطلة أم جناحات البريئة الخاضعة الذليلة المنكسرة ذات الجمال النادر والقوام العامر مع إنها فقيرة وحالتها آخر ذل، بس محافظة على نضارة بشرتها.
jmgrll
@cursed_writer معك حق من الناحية دي بس قصدي بانو الشخصية الرئيسية تكون مميزة عن غيرها اقصد بيه فإطار القصص، يعني ضروري يكون في شيء يخلي الشخصيات الرئيسية مميزين عن غيرهم، اما عن الواقعية فطبعاً لو القصة مو فانتازيا وخوارق بفضل تكون الرواية واقعية، ومع كل الحب والإحترام لكل الآراء طبعا
cursed_writer
@jmgrll + على الجانب الروائي، طبيعي إن الشخصية الرئيسية يكون ليها جوانب معقدة أو مختلفة عن باقي الشخصيات، بس اللي أقصده بكلمة 'عادي' إن الشخصية تكون واقعية، يعني لما أقرأ الرواية أحس إن آه الشخصية دي ممكن أقابلها في حياتي أحيانًا.
cursed_writer
@jmgrll لو هحب شخص عشان معاناته فدا اسمه شفقة مش حب، ولو هحب شخص علشان بيصرف عليا فأنا عندي دادي إيشوز...في العموم، الحب المشروط بعلة معينة أو 'ميزة' مش حب ولا حاجة، دا اسمه انبهار، والانبهار بياخد وقته وبيختفي في النهاية. بعيدًا عن رومانسية القصص والأفلام، بس الحب هو إنك تشوف الإنسان اللي قدامك، بعيوبه قبل مميزاته، أكتر شخص مميز على الأرض، مع إنه ممكن يكون أكتر شخص ممل واعتيادي في عيون كل الناس التانيين.
cursed_writer
بُكانا يخواتي قبل الشغل...
wendy_pink07
@riroland انا بنتقل من شغل للتاني والكونتنت رايتينج جزء من شغلي فعلاً بس مش روايات خالص حاجات تسويقية واخدالها كورسات
riroland
@wendy_pink07 سورري جدا على التدخل فنص محاتثدكم يا وندي بس انا اضن انك لو جربتي الكونتنت رايتنك هتبقي احسن حد فيها عشان اسلوبك بيشد او والشغللنة دي حولة ولزيزة وماشي شغلها لمصر وتنفع اونلاين واوف لاين
cursed_writer
@wendy_pink07 من غير شغل بنعيط عشان مفيش فلوس، وفي الشغل بنعيط عشان المجهود وعشان مفيش فلوس برضو
seazus
اشتقت لوجودك 3>
آمل أن تكون بخير يا صديقي.
cursed_writer
بقالي زمن مكتبتش هنا، رغم إني بدخل كل فترة لما أحس إن حياة البالغين أكبر مني، التطبيق دا رغم كل ما خضته عليه من مشاكل وخناقات وتعصُّب وعنصرية أحيانًا إلا إنه كان دايمًا مُتنفس، وعالم مُلوّن ومليان ذكريات دافية. وجودي هنا كل فترة بيرجعني للأيام دي وينسيني ولو مؤقتًا الهم والاضطرابات اللي في حياتي الواقعية.
ربما يكون ناس كتير هنا نسيتني وفقدت الأمل في رجوع الروايات، ويمكن يكون في ناس أقل ما زالت في الانتظار. الحقيقة أنا كمان بتمنى أقدر أرجع أكتب تاني لأن الكتابة كانت هي شغفي الوحيد في الحياة دي.
ادعولي تعدي الأيام دي على خير، ويتعدل وضعي الصحي والمادي (خصوصًا) والنفسي...ادعولي تتعدل كل أوضاعي عشان كل حاجة في حياتي خربانة، وأقدر أرجع أكتب تاني من غير ما أحس كل مرة بالذنب لأني سايب حياتي تخرب وقاعد أهرب جوا رواياتي.
cursed_writer
@wendy_pink07 عارف ان مفيش حاجة هتتغير بس هو الإنسان كدا دايمًا بيدور على جلد الذات بالملقاط، بالمناسبة رواياتك من أسباب دخولي للواتباد حتى الآن ❤️