دێرا

ڕۆژێکی پایز مەڕێک لە مێگەل بەجێما و لەڕێڕودا بزر بوو لە دۆڵێکدا پەنایەکی ئارامی دیتەوە و لەوێدا دەژیا، لە بەهاردا بەرخێکی بوو.
          	ئیتر بەتەنیا نەبوو لەگەڵ بەرخۆلەکەی دەلەوەڕا
          	ڕۆژێک لە پڕ گورگێک لە مێشە هاتە دەر و بانگی کردوو گوتی :
          	ـ کێ ڕێی پێداون لە موڵکی من بلەوەڕن؟
          	مەڕ پاڕاوە و گوتی بۆ خاتری خوا، من هەموو زستانێ لێرە ژیاوم.
          	قەت گورگم نەدیوە، ئێستا بۆ بۆتە موڵکی تۆ؟
          	گورگ وتی من شایەدم هەیە ئێرە موڵکی منە!
          	شایەدت کێیە؟
          	ـ ڕێوی
          	ـ باشە بیهێنە بزانم شایەدت بۆدەدا یان نا؟
          	گورگ چوو چوو ڕێوی بێنێ، مەڕیش چوو شایەد بدۆزێتەوە توشی سەگ هاتوو تکای لێ کرد
          	
          	گورگ تەنکی پێ هەڵچنیوم و دەستم لێ هەڵناگرێ لە بیانوو دەگەڕێ کە بەرخەکەم بخوات دەڵێ « چۆن وێراوتە لە مڵکی مندا هاتووچۆبکەییت؟
          	ڕێویشی بە شایەد گرتووە یارمەتیمبدە، بزانم چی بکەم؟
          	
          	سەگ گوتی لەگەڵ من وەرە
          	
          	چوونە ئەو مێرگەی کە گورگەکەی لێ بوو سەگ گوتی، من لە پشت ئەم دارانە خۆ دەشارمەوە
          	تۆ بە گورگ بێژە بڕوا بەهیچ کامتان ناکەم 
          	مەگەر سوێند بر وەجاخی من بخۆی، بڵێ وەجاخی من لە بن ئەو دارانەیە
          	کەهاتن و یستیان سوێند بخۆن من دەیانخنکێم.
          	
          	گورگ و ڕێوی هاتنەوە گورگ وتی:
          	ـ ئەوەتا شاهیدم هێناوە
          	ڕێوی گوتی : بەڵێ ڕاستە ئێرە مڵکی گورگە.
          	
          	مەڕ گوتی : بڕواتان پێ ناکەم تا سوێند بە وەجاخی من نەخۆن ، وەرە سوێندم بۆ بخۆ، بەرخەکەمت دەدەمێ، لە مێشە نزیک بوونەوە ڕێوی تروسکەی چاوی سەگی دیت و گوتی :
          	
          	- ناوەجاخی تۆ پیرۆزە من ناوێرم سوێندی پێ بخۆم، خۆتان ڕێک کەون
          	
          	مەڕ بە گورگی وت « بزانە ڕێوی سوێندی نەخوارد کە وایە ئێرە موڵکی تۆ نییە ! »
          	
          	گورگ وتی، ڕێوی ترسنۆکە خۆم دێم سوێند دەخۆم، کە لە مێشە نزیک بوونەوە، سەگ هاتە دەر و گەرووی گورگی گرت.
          	
          	گورگ بڵغە بڵغ گوتی، ڕاستە وەجاخت پیرۆزە، ئێرە مڵکی من نییە بیانووم پێدەگرتی تا بەرخەکەت بخۆم.
          	
          	سەگ بەریدا و گورگ هەڵات، سەگ و مەڕ و بەرخ چوونەوە کن خاوەنەکەیان
          	
          	( ئەفسانەی کۆنی کوردی )
          	
          	`
          	نە تاقەتی نووسینم ماوە نە خوێندنەوە بێ ئیشی خەریکی ئەفسانە خوێندنەوەم، بێ لەوە و لەم ئەفسانە، سوێن خواردن بە غەیری خوا حەرامە ازیزەکانم، هەرچەنە باسەکە لەسەر ئەوەش نییە بەس هەر وەک تێبینیەک وتم