Dana Okour

بعد ما دخلت لاريسا المستشفى اتذكر بقت ٣ ايام غائبه الوعي ومن كعدت جان ابوها وايليا يمها .. ايليا حاول يمسكها بس هيه صار عدها نوبه هلع وضلت تخدش بأيدها فأبوها مباشرة مسك ايدها فهيه ضلت تصرخ فقال لابنه ينادي للطبيب بسرعة فأجه الطبيب وانطوها ابرة مهدىء حتى تنام .. فتالي الدكتور قال لاندريه هيه صار بيها ( اضطراب ما بعد الصدمه ) على ما اتذكر وديميتري سمع كلام الطبيب .. والكسندر ورومان راحوا لبنايه مهجوره وهناك تشاجروا بالمسدسات وتالي تصالحوا يعني بأختصار جانو بحالة غضب بسبب اللي صار بأختهم .. تالي استيقظت لاريسا فشافت ابوها وقالت ( ابي ) يعني هدأت فكعد ابوها يمها وقال الها حسب ما اتذكر انو يتأسف من اللي صار وانو انتقم لها من الاستاذ هيه ما ردت عليه بس سألت عن ايليا هل هو بخير لان مثل ما كتلج الاستاذ ضربه فأبوها ارتاح لان تكلمت وقال هوه بخير فتالي اندريه جاب طبيبه نفسيه للاريسا للمستشفى.. اتعرفت عليها وتالي لاريسا رجعت للبيت ودخلت لغرفتها وسبحت بس نفسيتها جانت كلش تعبانه بحيث خدشت جسمها بقوة اثناء الاستحمام وتالي شافت حشره نسيت شنو اسمها اتوقع اللي يصير بيها ضوه وراحت للشرفه حتى تلحكها وعبرت سياج الشرفه حتى تمسكها واثناء ذلك الكسندر دخل لغرفتها وهوه حسباله تريد تنتحر فصرخ بأسمها وأخذها بسرعة ودفعها عن الشرفه وغضب وصرخ بيها لان حسباله تريد تنتحر فهيه ايضا صرخت عليه وقالت كانت تلاحق الحشره وبعدها طلع وصار الصبح واجه ابوها الصبح اتذكر جاب الها الفطور وبعدها اجت زارتها الطبيبه النفسيه وحجت وياها وطلبت من عدها انو تحجي كلشي لأبوها حتى ترتاح وحاولت تقنعها ونوعا ما اعتقدت لاريسا اقتنعت . وقالت لها انو خلي تكتب بورقه كلشي تريده حتى ترتاح . وهجي يخلص البارت .. 
          
          حاولت اكتب اللي اتذكره ..بس كل هذا غيرته الكاتبه ⁦◉⁠‿⁠◉⁩

طلبتي تعرفين شنو صار بلاريسا بالنسخة القديمه ... اللي صار انو هذا الاستاذ اعتدى عليها لكن اثناء الاعتداء اجت ذيج البنيه نسيت اسمها حتى تصور اللي يصير لان هيه ايضا متعرضه للاعتداء من هذا الاستاذ لهذا استغلت الفرصه حتى تصوره وتفضحه يعني ما حاولت تنقذ لاريسا بس تالي ما تحملت تكمل وركضت واثناء ذلك شافها ايليا لان هوه جان يريد يروح لأخته فقالت هاي البنيه ( لاريسا ) بالقوه قالت لان جانت تقريبا بنوبه هلع فراح ايليا وشاف الاستاذ جاي يعتدي على لاريسا طبعا هوه شق قميصها المدرسي فهجم عليه ايليا بس اثناء ذلك الاستاذ ضرب ايليا لان جان الاستاذ اقوى من إيليا بدنيا .. واثناء ذلك دخل اندريه وماكسيم والكسندر وبعد ما شافوا اللي صار الكسندر هجم على الاستاذ وراد يضربه بالمسدس بس جان فارغ .. واندريه حاول يتقرب من لاريسا ويهدئها بس ما قدر .. خافت من ابوها وتالي اغمى عليها فأبوها حملها وانطاها لأيليا حتى ياخذها للمستشفى ..بعدما اخذها ايليا وطلع من الغرفه اندريه راح للاستاذ اللي مضروب على الارض لزمه وقال انت لمست الشي النقي الوحيد بدمي وما رح يكفي انو اذبحك مثل الكلب وطلب من الكسندر وماكسيم انو يقتلون ويقضون على الاساتذه والمسؤولين بالمدرسه .