........ ........
Ek kahani thi, "Singhaniya Siblings" ke naam,
Har lafz mein chhupi thi Pakhi ki pehchaan.
Par jab taale na khule, jab koi na aaya paas,
Pakhi ka dil toot gaya, mit gayi har aas.
Delete ka button daba, kahani gayi kho,
"Main likh hi nahi sakti" - yehi soch gayi ro.
Tab aayi main, Anisha, ek choti si roshni,
Andhere mein jalti, bas tere lafz ki jyoti.
Padha maine har dukh, har sapna, har baar,
Samjha main teri kalam, samjha tera pyaar.
Raat bhar comment kiye, "Tum awsome ho dost",
Teri saansein shabdon mein, tu hai duniya ki sakhi.
Amazing ho tum, tumse behtar koi nahi,
Trust karo khud par, ye kahani adhuri nahi."
Tune phir likha, phir mitaaya baar-baar,
Par main jaanti thi, agla pal, agla vaar.
Padh chuki thi main, dil mein basi thi baat,
Phir bhi roz nayi umeed, roz naya jazbaat.
Phir aayi Akansha, "Story_cuppy" banke saath,
Jasoos si dost meri, dhundhti har raaz, har raah.
Kehti "Dekho yahan twist hai, wahan chhupa dard",
Uske sawaalon se kahani ban jaati nayi fiza.
Hum dono ne tujhe roka, girne na diya kabhi,
"Pillar hai tu Pakhi, tu hi hai hamari chabi."
Pakhi Tu samajhdaar hai, gehra tera saaya,
Jab hum bhatke, tune raasta dikhlaya.
Akansha dimaag hai, soch hai, pehchaan hai,
Main? Main toh bas ziddi bachchi, teri shaitaan hu.
Ignore karo toh muh phula leti hu main,
"Arre baat karo na, main bhi toh hu yahin!"
Wattpad family ki laadli, sabse choti main,
Par pyaar sabse zyada, ye baat bhi sachi main.
Na milna hua kabhi, na dekha chehra koi,
Phir bhi raaton ko jaag ke, ek doosre ki hui.
"Dost" naam rakha humne, ye lafz hi kaafi tha,
Khoon ka rishta nahi, par dil ka vaada tha.
Aaj kahani poori ho ya adhuri reh jaaye,
Par ye dosti amar hai, waqt bhi na mit paaye.
Pakhi - tu meri rooh, Akansha - meri saans,
Main Anisha - tum dono ki, sabse pyaari ehsaas.
Wattpad ne milaya, shabdon ne joda haath,
Teen ladkiyan, ek dil, ek hi jazbaat.
