‌EIM 𓂀

- انا جايـة اقول كلمتين و ماشية، أنا بصراحة مقرأتش اغلب الحديث الـِ على البورد هنـا عشان انا ماسحة الابلكيشن خالص وللأسف مقدرتش اقفل الحساب نهائي لأن كنت قفلاه قبل كدَ والخاصية دِ تقريباً حصل فيها عطل عندي، بس صديقتي الكاتبـة نـوڤ أعطت ليا لمحه عن الهجوم من بعض الأشخاص وطريقة كلامهم ووصفهم ليا بالأنانية وإلى اخرهُ، يشهد الله عليا اني لما قلت في البداية اني على قدر قليل من الاسف نحوكم كنت اقصد، اني فرحانة بإنكم هيتشال من على اكتافكم ذنب اضافي بسببي وسبب كتاباتي، انا لا جاية اعاتب حد ولا جاية اتناقش مع حد لأن رأي وقراري الخاص مقتنعة بيه إقتناع تام ولو كان عندي 1٪ بس تراجع مكنتش اخدته، وكمان بعض الاشخاص الـِ اتهموني بالإستغلال صباح الفل!!! هل انا كنت بضغط عليكم او ببتزكم عشان تعملوا الدعم الِـ كان تمن تعبي ومجهودي!!! الـِ بدون شرح كتير لاني مليت من تكراره قلت انه كان الشيء الوحيد المقابل لتشجيعي!.. حضراتكم كنتم بتعملوا دَ عن طيب خاطر وانا كنت بكتب كمان عشانكم عن طيب خاطر، مفيش حد منا عمل حاجة غصب عنه ولو جينا للحق يمكن انا الـِ بقيت احمل فوق طاقتي عشان أرضيكم بكل الوسايل وشويه تعليقات ونجوم كانت بالنسبالكم استغلال ومجهود كبير اوي عليكم، امال اي نظام الكاتبة الـِ بتكتب ليكم حلقة طويلة عريضة تعدي 15 الف كلمة كائن خشب مثلا؟؟، بلا دخول في نزعات كتيرة، انا اعتزلت وخلاص الطريق دَ معدش ينفعني ولا ينفع توبتي و لو لسه في أمل 1٪ اني ارجع، هرجع بس رواية السيد المدير عشان بعض القراء المحترمين و دَ لما اعدل عليها عشان ترضى الله وترضيني وكمان لما اخلصها مش هبيقى ليا وجود هنا تاني، مش عارفة الخطوة دِ هتكون امتى بس سيبوها للقدر يمكن تتدبر بمعرفته، 
          	أنا بجد ممنونة اوي لكل حد دافع عني ورد غبتي وقال عليا كلمة كويسة وشجعني على القرار الصح الـِ أنا أخدتـه حقيقي كنتم خيـر الناس المتواجدة في المحيط الأسود دَ، جزيل الشكر من قلبي واللهِ ليكم واحد واحد ❤... غير كدَ محد ليه عليا جمايل ولا نبذه تعبيـر حتى لا يستحقوها ، سـلام..>