روميو

انفصامي تعبني

شوكت اتعافى من اوهامي؟

فد مره جنت ادخن وتذكرتها وحرقت ايدي أصلا جانت هي ساكنه تفكيري دائما حرفياً ثلاث سنوات احبها حب مايعلم بيه الا الخالق وهي تعتبرني صديق ولمن اعترفت لها مااعرف شلون قبلت بيه وبعد خمس اشهر شفت خيانتها الي بعيوني ومهما مر على الموقف ماراح انساه ماراح انسى عيوني شلون حمرت وشلون جرحت رقبتي وسممت نفسي وجرحت أيديه وعيوني صرت ماشوف بيهن منكد مابجيت وشعري صار بيه تساقط وصار بيه فقر دم حاد وخسرت صحتي كلها لحد الآن وهمين مستواي الدراسي وجسمي هه صرت هزيل وضعيف وعبالك جني كل عظامي بارزه مهما حاولت اكل مايتغير جسمي وكلما حاولت اغير شخصيتي الملعونه ابقى غبي وعار

ليش نوقع للأشخاص الي يريدون انتباه؟ 

احس أني شخص أقل مايقال عنه فاشل دائما غبي وماعندي سوالف وخجول وانطوائي وعندي مشاكل مثل شعر راسي ودائما ادور عن الحب لاني ماجربته بطفولتي وجربت أحب لاول مره وانجرحت جرح عمييق وكمت من وراه ما أومن بالحب لان حتى امراض تمرضت وخسرت صحتي وهسه احس اني بلا مشاعر لان قبل أشهر فتحت قلبي لبنيه شويه وحسيتها تحبني طلعت تستغلني لاني لطيف وياها واجيب لها هدايا ومااقصر بحقها ومحترمها وما المسها وأحبها حب نقي وطلع عندها حبيب وطلعت مو الي :/ ووقتها حسيت مستحيل احب مره ثانيه هسه تكولون انت كل سوالفك عن الحب وكئيب وتحسوني مثير للشفقه بس اني هنا اكتب لان محد يعرفني وأيضا هذي مو فضفضه ولا شي بس كاعد اكول مشاعري لان تعبت واني اكبتها بقلبي أحسه  هم جبييير وهسه اني احس براحه وجسديه أحس ظهري جان مشدود وارتخى:)

سيلان دماء روحك البهيّة هو شيء مؤلم أحياناً عمق حروفك يوحي بأن هناك آلاف الكلمات التي تكبحها بصدرك