fatem20032

مساء الخير ❤
          	 سؤال هتيجي المعرض امتى بقى بيطاردني زي سؤال الفصل امتى بالظبط، فقولت أبلغكم إني إن شاء الله نازلة المعرض بكرا، دي أول مرة هنزل فيها السنة دي، فأحب طبعًا أشوفكم جدًا، بس هطلب منكم طلب على استحياء يعني
          	
          	عاملوني على إني فاطمة عادي مش عيسى ولا ملك ولا حامي ولا عائشة، علشان أنتوا السنة اللي فاتت كان بيهمكم توقيعي باسمهم أكتر من اسمي أنا، هوقعلكم باسمهم طبعا بس افتكروا إن أنا اللي عملتهم 
          	
          	 اللي عنده أي أحلام نفسه يحققها في وريث وهيقترحها عليا بكرا يبقى يقترح بالراحة علشان أي نظرات شريرة هجري منكم 
          	
          	عارفة طبعا إن الناس بتسأل على الفصل فين عايزين ياكلوني وحاسين بالغدر والخيانة دلوقتي بس أنا مخنتكوش والله أنا بكتب الفصل متخافوش   سامحوني لحد ما المشوار ده يخلص ❤
          	
          	بكرا بإذن الله هتلاقوني عند دار إبداع قاعة 2 جناح رقم C7
          	من حوالي الساعة ١١ ونص كده ١٢ تقريبا، لو جيت قبل المواعيد دي هنزلكم بوست إني هناك، وأنا مش هقعد كتير ممكن على ٣ ونص ٤ كده أمشي 
          	
          	أشوفكم على خير بكرا إن شاء الله ويارب اليوم يبقى جميل بوجودكم ❤