✨

حبي شوكت ترجعينن القصص والله هواي نحبهن 

قصة عشك شيوخي احبهااا ليش حذفتيهاااا حبابه رجعيهاااا خلي اكملهااا 

السلام عليكم...❤️
          فكرت هوايه قبل لا أتخذ هاي الخطوة ... قررت اعتزل الواتباد نهائياً ، اعرف  تحبون الروايات مالتي و اعرف متعلقين بيها بس ماگدر استمر ، احب الكتابة احب الكتب احب القراءة دخلت علم نفس بس حتى أطور نفسي مستقبلاً بالكتابة بس مو هنا مو بالواتباد ، ممرتاحة للشيء الي دا أقدمه الكم هذا مو لوني مو جوي مو الشيء الي أريده و اريد اطور نفسي بي 
          ما أنكر الواتباد خلال هاي الخمس سنوات الي مرت انطاني خبرة كلش چبيرة بالكتابة و بينت بكتاباتي الفرق بين اول قصة نزلتها و بين اخير قصة ، و هم انتو الكم فضل كلش چبير عليه من خلال تعليقاتكم و انتقادكم و دعمكم الي اني هوايه هوايه طورت من نفسي و من اسلوبي بالكتابة ، و أن شاء الله من خلالها راح أبدع بالكتابة أكثر بالمستقبل ، راح احذف كلشي بالحساب نهائياً و رجاءا رجاءا اي واحد عنده قصصي يحذفهن اذا چان بالواتباد لو باليوتيوب لو غير برنامج رجاءا احذفوا كلشي ناشرته قبل ، انتظروني ببداية جديدة بمكان احسن بشيء احلى و روايات مفيدة و حلوه ، أن شاء الله مستقبلاً تشوفون رواياتي كتب مطبوعة و أن شاء الله تذكروني بيها ، بس هسه رجاءا احذفوا كلشي ، و اريد منكم تشجعوني على هاي الخطوة و الله يخليكم لا تنسوني من دعواتكم رجاءا ادعولي ربي يرجعني للطريق الصحيح و اصير احسن و احسن ، ياريت تبقون دائماً تذكروني بدعوة حلوه من كل گلبكم ، و اني اشكركم على كل الحب و الدعم الي قدمتوا الي اشكركم من اعماق گلبي ممنونه الكم كلش هوايه و اعتذر من كل شخص ضوجته بغير قصد اشكركم جميعا على كل شيء
          
          شكراً ....❤️