مَحسوبة من العِمر كُل ليلة نگضيها ،
ومَحسوبة مَن الدرب كُل خِطوة نَمشيها ،
أيَامنا الِلي تمر ،
رُحلة بَقطار العُمر ،
سَفرة بَمرابع خِضر ،
شُتريد سَميها ،
لَو نوكف بِنص دربَ الدنيُا تبَقى دور ،
المَي صُعد للچُرف والفِخر للنِاعُور ،
دور صَديق الوفي وأمَشي بَدرب بي نِور ،
وعَينك على صَاحِبك يَغفى تُضل نِاطور ،
يلمَاشي بَهل دُرب وأنتَ على ناسَك ضُيف ،
يَراد مَعشر حِلو ، 
لمَة أحباب ، وكَيف ،
لَو شِفت برد الشِتة ،
ولَسعة ضُهاري الصِيف ،
صَبرك !
وهَي تِنجلي وتِصير ذكرىٰ وضِيف ،
أيَامنا اللِي تِمر ،
رُحلة بَقطار العُمر ،
نزهة بَمرابع خِضر ،
شَتريد سميها ،
أنا الخِواف يا دنيا ،
أنا الخِواف من كُلشي ،
لو أحِلم حِلم مو زين ،
أنا أرجَف گبل رمَشي !
أدُك بَالباب ألف رَزة ،
وأفِز بالليَل ألف فِزة ،
تُعز روحي ،
وأگل للخِوف ضِل بالبَيت ،
وأنا ابَچي  .

للـ گاطع .