تضحك عَليه لأن اسأل على اخبارك
چا من شفتني احترك طفيتني بنارك
لك انه صوچي وچنت محتفظ بأسرارك
تاخذني للمشنقه وانه اخذ بثارك
تستنكف تمر عَلي،چا ضعف حالي ذنب
خايب دشوف الخلك من بيتي تتبارك
وصاير عَليه عدو
من شوكت صار المحب وَي ولفه يتعارك
مو چنه كلشي سوه 
حتى بمرضنا چنت وياي تتشارك
ذبيتني من الصور خليت بس روحك
وحايطكم شكد وفي
 من شافك لوحدك ماخله بسمارك
من تنام مو چنت اجي
واطرد جهال الفرع لو توصل لدارك
مو چنت أخلي أيدي لمن تغثك شمس
ما كتلك اسأل عَلي ردت اعرف اخبارك
واتحمل شكد حچي من ناسك وناسي
ومن باوعت للسما ماچنت أمشي بفخر
خايف يطيح الدمع ما نزلت راسي
ومتريد جدمي بعد يوصل لبيبانك 
والله ماريد اجي 
وكون افقد الذاكره حتى انسى عنوانك 
كد ما عليك سألت 
يوميه اعرف كمت اخبار صحبانك 
ويضحكلي چان الهوى من چنه نتحاچه
هسه اكعد انه وهلي ونطلع بصورتك ونكوم نتباچه !.