⚝

Gül sənin nəyinə gərəkdir, gülüm?
          	Öpen dodağı yox, oxşayan əli,
          	Gəl gül də, çiçək də özümüz olaq,
          	Sen bir az ağıllı, mən bir az dəli..
          	
          	Gül sənin nəyinə gərəkdir, gülüm?
          	Senin gülün mənəm, çiçəyin mənəm.
          	Güllü nağıllara getməsin ağlın,
          	Sənin həqiqətin, gerçəyin mənəm..
          	
          	Gül senin nəyinə gərəkdir, gülüm?
          	Hüsnün, gözəlliyin dünyada təkdir.
          	Əgər sən varsansa bu yer üzündə,
          	Dünya başdan-başa güldür, çiçəkdir..
          	
          	Gül sənin nəyinə gərəkdir, gülüm?
          	Qoxla nəfəsimi, çiçəyə döndər.
          	Şairin sözünə yalandır demə,
          	Bütün yalanları gerçəyə döndər..