g9ji3i

بعد كل التعب اللي تعبته طول ذي الثلاث شهور من سهر و دراسة و طلع بشعري شيب وفي الأخير الاقي نفسي مرسبة خمس مواد والله مو عدل مو عدل اكره الجامعة حرفيا حرمت نفسي من النوم و الانميات و الطلعات و السفرات و في الأخير اكون راسبببة ؟؟؟ بنجلط والله ، مر على ذا الموقف شهر و للحين مو قادرة انساه حسبي الله ونعم الوكيل ، بدأنا ب الفصل الثاني و انا انهد حيلي مو قادرة اجمع طاقتي تبا للجامعة و اللي يبي يدخل طب بشري اكره الدراسة بس يارب ادخل طب بشري والله مو عشاني عشان ابوي تكفى يارب بس عشان ابوي 
          
          The winner takes it all
           the loser has to fall 
          شيء محزن اني اي شيء اتمناه ما يتحقق واضح اني طول حياتي رح اتمنى وما رح يصير 

قايز من زمان ما كتبت شيء هنا بس حبيت اقول اني دخلت تحضيري و ياليتني ما دخلت الدراسة خلتني ابتعد عن كثير اشياء احبها و منها اهلي اهخخ الله يعين 

صار لي شهرين متخرجه من الثانوي و حياة العاطلين حلوه للحين جالسه انتظر نسب القبول تطلع الله يعين أتمنى يطلع لي طب بس أنا داريه نسبتي ما تدخلني حمام الجامعة الله يعين بس 
          
          ميمي المتخرجة

احسني رح ابكي يخي خرا على الفيزياء اكرهه هو و الرياضيات مرة صعبين و الله جالسة اهدي نفسي انه باقي ترم و اخلص بس مو قادرة زق على المدرسة مرة صعبب 

صرت ثالث ثانوي و بديت من الحين اكل هم قبول الجامعه مو قادرة أوقف تفكير و بكي خايفه ما يطلع لي تحضيري وانا ابي ادرس تحضيري طب ابي ارفع راس ابوي و امي احبهم و اخاف عليهم من كل شي و كان دايم يقولي شدي حيلك شدي حيلك ابي ادخلك تحضيري ابي ارفع راسي فيك بس يا بابا انا كنت غبيه ما افهم اهخخ ببكي زق على القبول و علي و على نفسي الغبيه اللي ما كانت تذاكر 

واخيرا خلصت اختبارات نهائيه و بعد جبت درجه حلوه ٩٩,٣٠ والحين اقدر اخلص مسلسلاتي و كتبي و انميات ❤️❤️

معلمه الانجليزي نقصتني ظلمم تخيلوا حنا ست بنات على تعبير انا سويته لوحدي وقلت لهم يوم الأحد ب المدرسة انا بغيب بكرا وحده منكم تطبعه وتسلمه قالوا تمام الحين توي فتحت نظام نور واشوف المعلمه نقصتني درجتين ونص رحت بسرعه كلمتها قالت انتوا متأخرين و النظام مغلق و قلت لها ان البنات ما طبعوه وانا اللي سويته ما رضت اهخخ مره مقهوره حسبي الله ونعم الوكيل فيها

صرت اتمنى تكون حياتي كاميرة خفية تكفون مو قادرة اتحمل ذي العيشة الزق 

امس وصلت طلبيتي حقت الكتب اهخخ ببكي شي مره يجنن المهم باقي لي كم شابتر واخلص اول كتاب ههههه مسرع بس يخي والله انه رهيب الكتاب 

توي شفت ب الانستا فيد مكتوب فيه وانت تودع اصحابك ب اخر يوم مدرسة واحس شي يحزن ما ابي افارق صحباتي احبهم كلهم الله ييسر لهم طريقهم صرت اتمنى ما يجي ذا اليوم اهخخ مو قادرة اتحمل ببكي