ret_aj1

لهيه مثبته حساباتك كل يوم اتحلم برسايلك ومرات اتحلم بيك انتَ مو بالرسائل. تكعدني من يومي بدون حضورك على أمل اشوف رسايلك لو ترد ع الواتباد. بس؟ ماكو نتيجه أي أثر ماكو. جنت مخليه امل ترجعلي قبل نهاية الشهر بس غدرت بأملي ومارجعتلي بنهايته ولا ببدايه فبراير. شوكت ترجع؟ ما اشتاقيت؟! شكد مشتاقتلك حتى بچي بچيتلك. جان اقوى شي عندك اسبوع هسه عبر الاسبوع شوكت ترجعلي مو تعبتني بهذلتني صارت كل ثانيه شعمقها بيومي بدونك. جنت اخلص من دراستي واهلي ومشاكلي ودرجاتي واجي يمك ونحجي واضحكك وتضحكني ويضيعن ذني الثواني الثگيله علي. اشو هسه ماكو. منو يسمع لسوالفي؟ منو يحجيلي؟ منو اتطمن عليه واسئله ضايج من شنو ومنو مزعلك واتعارك وياك واكلك طليقي. ماحنيت؟ مافكرت؟ زين ماهانت عليك ال5 اشهر سوا؟ اكثر من 150 يوم. اكثر من 150 ليله انام واني افكر بيك تدري؟!. شگد أناني. فكرت بروحك ورحت وهسه لاخبر لاوصل حتى تطمني عليك ماكو. عفتك ساعه مدري نص ساعه ارجع الاگيك ما موجود؟ مو حرگته لگلبي وعلي؟ تمنيت ماعفتك بيهن ورحت للماركت والله. انت مو كلت احذف الاحد؟ وراها كلتلك لاابقى وكلتلي مادري افكر؟ ليش مافكرت ورحت وعفتني؟ متدري الغصه البيَ من اكتبلك لو اشوف شي يذكرني بيك لو من اتحلم بيك؟ لك من اشوفك بالحلم اضل ابجي واضحك واني مادري بروحي؟ درجعلي كلها كالت صرتي مخبله.