هلا حبَيبه اني انسانه تحب الأكل أكثر من اخوانها وخاصتاً الدولمه،احب الأجبان والحلويات كلش احبهم احب فطيمه وقصائد باسم احب الروايات البيها أكشن واشياء تخوف وغموض وهيچ احب اخوي كَوميه،احب ألچاي هواااي وداعت الخبزة التصير جوه الدولمه،اضحك هواي وبدون سبب ومخليه الناس تضوج مني عندي ضحكة الخنزير الناس من تضحك"هههه" أني من اضحك"خنعخنعخنعخخءءء"وأمي من اضحك هيچ تضربني بالسراحيه احب الأطفال بس هم يخافون مني من اريد ابوسهم يختلون ورا امهم ويبقون يبچون ويصيحون (يمااع رااح تعضني) المناعيل محسسيني أني چلبه،احب اخوي كاضميه بس هوه يحبني بس الدماغ سز ميبينلي مشاعره ويگلي كلام حلو بس أذا يعبر عن حبه ينطيني لفه لو يبقيلي چبس،وميگلي أنتِ اختي واحبچ بس من اسوي اندومي يگعد گبالي ويگلي أنتِ خوش اخت يلا فدوه اله الأندومي قابل شكم كاضميه عندي احبه وعلي،وها اني انسانه دائماً تحس نفسها هيَ الخطأ لأن ماعندها شخصية محددة،ولا تعرف تعبر عن مشاعرها بصورة صحيحه،ولا ملتزمه بصلاتي،ولا گادرة تسوي ولو شيء بسيييط حتى بس تفرح اهلها،وطبعاً اني ادري سعادة أهلي مرتبطه بمستقبلي ودراستي واني انسانه فاشله بدراستها،رغم اقرأ هوااي بس طايح حضي،وأگلچ حبَيبه اني بشاربچ فدوة لمدري ياهو ادعيلي انجح واتفوق،عسى ولعل رب العالمين يسمع دعائچ؟وهاچ هاي وردة مني ألچ🌷💅🏽.