zahra24-
نصيحة عن التوتر والضغوط
الحياة ما تمشي كلها سهل مرات تجي ضغوط، دراسه، أهل، صديقات، هموم، وتحسين الدنيا كلها متراكمه عليج بهاللحظات أهم شي لا تخلين التوتر يسيطر لأن التوتر إذا كبر جوه القلب يخليچ تتعبين نفسياً وجسدياً.
أول شي تعلمي تاخذين نفس عميق اغمضي عيونج وڪولي "اللهم هون عليّ." صدگيني هالشي يخفف كَدرج. ثاني شي، لا تخلين مشاكلـج تبقى محبوسه جوه، طلعيها يا تكتبين بورقه، يا تحچين ويا شخص تثقين بيه، لأن الكتمان يذبح
ثالث شي وزعي وقتج مو كل يوم دراسه وتعب، ولا كل يوم لعب وكسل. خلي توازن، ساعه للكتاب، ساعه للراحه، ساعه للضحكه. لأن العقل إذا ارتاح يرجع يشتغل بقوه
وأخيراً، تذكري إن كل ضيقه إلها نهاية، مثل الغيمه السودا تعبر وتخلي وراها شمس فإنتي لا تخلين التوتر يسرقج من أحلامج، ولا الضغوط تبعدج عن ثقتج بنفسچ.
gir-l100
ياعيني ان شاء الله اطبق هالكلام كلة
وانتظر حساب بنترست يصير حتى احجي وياج براحتي لان هنا كلش
متقيدة وصدكي اني ماثق هنا بغيرج حتى باهلي ما اثق خليت كل الثقة عند الله واهل البيت ويمج بس
