@haedir_9566
انت هم شايف ضحكتك؟
انت ماشايفها بعدك
شگد حلو لمن تسولف
اني بالي مو بالسوالف
اني بالي يم ضحكتك
شنو هذا القبول البيك؟
وانت ماخذ گلبي عندك
انت شايف رمشة چفونك هذيج؟
اني مو بس احبك اني اعشگك
أَتَحسَبونَ ضَحِكاتي بَينَكُم فَرَحاً؟
لا مو فرح بس رغم الوجع متجاهل
أَتَحسَبونَ كَلامي مَعَكُم طَرَباً؟
لا مو طرب هيچ يفضفض العاقل
مالي أَرى نَفسي بِظَهراً أَعوَجا؟
لا تنصدم حقك تره!
استعوج ظهر الاستفهام من كثر المسائل
إِذاً مالي أرى حزنك كعمق البحور؟
هيچ يفكر العاقل بكثرة سطور
اني مو ثابت ابد اوگف واطيح
ماكو شي ثابت بوسط كوكب يدور
احس بهاي الليله ظلمه
ويمكن اخر ليلة اليه
جسد بارد٫ نفس باهت
اغرگ ومشلوله اديه
روح ميته وعين صلفة
والحزن نايم عليه
نَفس مجرم طشر احلامي بكلامه
والكلام وياي قاسي
حيل يجرح طرف جامه
مكان اظلم وشفة ترجف
وحاضن بروحي حضن
رجلي مربطه بعذابه
عيوني متروسه حزن
اني رايد بس اسولف
هم اسولف؟ مااضن
كتلو احلام الطفوله
وكبرو عمري قرن
هذا عشگي الرابطني هسه
وچان كل ضني يحن
عافني ايام وليالي
وبأذني ميل الساعه ترن
واني اكولن هسه يرجع
هسه يعذرني بحضن
تاليها حيل تعذبت
مثل تعذيب السجن
صعب وعلى الصعب يتونس الخيال ❤️
قد خاب ضني بِها
لا هيَ لي ولا أنا لها
فضلتها على جميع إنسُها
حاولت لكنني لم أنسَها
الذنب ذنب قلبي عنها قد سهى
ترك القلوب و بقلبها قد هوى
غداً سيكون نازفاً للدما
وبحبها كثر صراخي تندما
ما مضى قد مضى وانقضى
بعد ان زرعت بقلبي نارٌ لضى
التفكير ياكل عقل الانسان
ويهدم ذكرياته لحظه لحظه
التفكير مجرم بس بلا سلاح
ويسلب راحته ولازم يمرضة
وغصة بصدري صارت من وره التفكير
تشبه غصة اخرس ماتت امه
لطالما ملكت روحاً باردةٌ ولا زلت املكها
السَوطُ ساطَ بِساطٍ
فَبانَ نَزفٌ قاتِمِ
حتّى إِذا دارَ الزَّمانُ
عادَ السَّوطُ لِلظّالِمِ
وَأَقولُ لِمَنْ قَتَلَ القُلوبَ تَعَمُّداً
شُلَّت يَداكَ وَكانَ مَصيرُكَ سَقَرُ
كَبُرَت عاماً و كَبُرَت معها اشباهِها
الوردَ للوردِ وتَكبر بأقرانِها
بُعدي كان اجباراً وليس تَجّبُرا
جبراً على التلميح كَي لا أؤذَيا
فَضيلَةٌ في روحِها عندَ العَتَبِ
استَنغَمَت انغامي بِنَغم الحُجُلِ
طينٌ على طينٍ أأنتِ مُنجدي؟
مُنذ كسرانَكِ لَم اعُد حيدَرا
الراح هم يرجع بعد؟
لو يندفن حبنه؟
وكسر الخواطر مو سهل
بي يهتز عرش ربنه
هذا الحچي وكت السكر
ينحچي وما ينذكر
ومابينه شي يشبه بعض
بينه اختلاف من الجذر
و شما اجيلك تبتعد دافعني چَن ديه
وهسه اني اسولف بالعقل
وصاير ربط ويه الگلب ممزوجه بالحنيه
و اندار لمن تلتفت
مابيهه شي اسود ابد
لون الشعر ويه الرمش و عيونهه العسليه
لشوكت راح ابقى انتضر
مو طاگ گلبي من الصبر
گلي شوكت وتصير الي
وتخلي راسك ع الچتف
وتحچي بدلع حب وغزل
وبحضني منهه بنيه
( اويلي عليه)