ِ 𝙃َ .

بيني وبين نفسي شگد افكَر بيك
          واگول شمعنى انتَ الشاغل ضنوني؟
          مو اول عِشگ خاطر تشل الحال
          ولا أول جمال تشوفك عـُيونِي
          شجاها الروح يمك ذبت الاسرار؟
          وليش ارجف عَعليك وينخطُف لوني؟
          حتى الناس گامت تعرُف بهالحال
          ما اعرُف شگلهُم من يسألوني
          يطبون بصفنتي وعنك يدورون
          ويلگوني افكُر بيك يلگوني
          صاحت كِلها صاحت
          هذا باگ فلان
          ما عندي لگوك وبيك تهموني
          تهموني بمحبتك والله لو يدرون
          على ضيم العلية يضل يواسوني
          ما يدرون عايفني بمهب الريح
          وانه وياك عفت الما يعوفوني
          اليحبوني شكثر ولجيتي يتانون
          واخجل من كثر ما گام يتنوني
          وانتَ الما تحبني شلون بلا وياك؟
          امرن بيك ما مر باليحبوني
          عفت الي شروني ومن ارد اشلون؟
          هم اسوى بعد وانوب يشروني؟
          حبيتك شجاني وما حسبت حساب
          خيعونك علي مو اني خيعوني
          متحبني واحبك والمُصيبة انوب أريدك
          وانهزم من اليريدوني،
          ومن دُونك صرت ما اعيش ويَّ الناس
          وانتَ بكُل سعادة تعيش من دُوني؟، 

وعَلى غيرك چذب ما ترهم الروح
          ومن غيرك يسد حاجة نضرنا؟
          يَـ أبن الناس غيرك ماكو موضوع
          وهلبت بالچذب شخصك ذكرنا
          نسولف بيك لآخر لحظة بالليل
          وترد من الصبُح تشغل فكَرنا،
          

زعَلان لو مختَنگ؟
          حَاچيني شنهو الصدگ تسمعلك أذاني
          وما بادرتلك لأن ما ادري البگلبك شنو
          ومتحير لساني
          معقولة غيري وصل وتربع بگلبك
          وتبدل مچاني؟
          معقولة عينك لگت واحد يحبها بكثر ما احبها چنت اني؟
          معقولة تنساني؟
          بگبلي حُط خنجرك
          اذيني واني احتمل بس لا تحب ثاني . 

احبة بكُل ما عندي من مشاعر حرفيًا يعني هاي اول مرة احب شخص هيچ او شنو احبة؟؟؟؟ اني هايمة بي ادمنتة إدمان غير طبيعي ياخي احس نفسي مخبلة حرفيًا حبيت حياتي بسببة صرت اتحمس انو ابدي يوم جديد بس حتى اشوفة وهوَ يضحك وما بي شي واضوج من اشوفة ضايج ومقهور اي مُشكلة تصير ويا اني اتأذة بدالة حتى لو هوَ مچان مهتم لهاي المشكلة من صدُگ احسني مو طبيعي بكُل وقت افكر بي واني اكل واني اشتغل واني بالدوام واني ادرس بكُل وقت حرفيًا گد ما افكر بي احسة گدامي گاعد والله وقبل النوم اتخيل سيناريوهات ما راح تصير ابد ومع ذالك ابتسم على تفكيري الي اصلا ما راح يصير بس اسمع صوتة احس فراشات ببطني بمعدتي بكلياتي بگلبي بقفصي الصدري فراشات بكُل مكان حتى من عرفت انه يحب فرحت وليش فرحت ما ادري بس على الاقل راح يَعرُف شنو الحُب وراح يَعرُف طعم الحب واتمنى الة التوفيق بحياتة والي يحبها تصير من نصيبة ويبقى دائمًا فرحان ويضحك، كُل هذا الي كتبتة نبذة بسيطة عن ادماني بي، ♥️✨ . 

كلش شكرا

ثانكس على المتابعه بيب