hell_ws
يا ريت لو تقرأوا كل شي
كم مرة أقنعنا حالنا إنه الموضوع "مجرد خيال"؟ مجرد رواية، مجرد كلمات، مجرد شخصيات... بس عند الله ما في إشي اسمه "مجرد" كل كلمة بتنكتب وكل حرف بننشره وكل باب للمعصية بينفتح رح نسأل عنه.
بكتب هالكلام وأنا أول وحدة غلطت. كنت أكتب روايات عن ثنائيات الكيبوب من نفس الجنس ، ذكر بعلاقة مع ذكر أو انثى مع انثى ، وأخترع علاقات ما جعلها الله إلهم وأساهم بنشر شيء حرّمه الله لحد ما هداني الله قبل ما يضيع عمري بشيء يسخطه تبت، وأسأل الله يغفرلي وخايفة يضل شيء من اللي كتبته شاهد علي يوم أوقف بين إيديه.
ولكل حدا بكتب أو بقرأ هالنوع من الروايات... فكرت يوم إنه الله أهلك أمة كاملة بسبب هالفاحشة؟ قصة قوم لوط مش قصة بنقرأها وبننسى، هي عبرة لكل واحد فينا قال تعالى: (إنكم لتأتون الفاحشة) والله سماها فاحشة وما وصفها بأخف من هيك.
يمكن تحكي ( أنا ما بعملها، أنا بس بكتب أو بقرأ) بس لما تكتب عنها أو تنشرها أو تتفاعل معها إنت بتخلي الناس تألفها، وبتزينها وبتخلي اللي حرّمه الله يبين كأنه شيء عادي وهو عند الله ذنب عظيم.
تخيل لو متت اليوم وظلت رواياتك موجودة والناس لسه تقراها وكل واحد يتأثر فيها أو ينشرها يزيد بميزان سيئاتك وإنت ما بتقدر تمحي ولا حرف. برأيك اشي بستاهل؟
والأصعب من هيك إنك بتنسب هاي القصص لناس حقيقية ما قالوا ولا عملوا اللي بتنسبه إلهم فبتجمع بين الكذب عليهم وانتهاك خصوصيتهم ونشر الفاحشة وتزيين الحرام.
إذا لسا بتكتب أو بتقرأ هالمحتوى لا تأجل توبتك! لا تحكي بكرة ما حدا فينا ضامن يعيش لبكرة امسح اللي بتقدر عليه واستغفر ربك وافتح صفحة جديدة معه والله إن لذة الطاعة أعظم من أي متعة مؤقتة وراحة القلب بعد التوبة ما بتتقارن بأي شيء.
اللهم اغفرلنا ما كتبنا وما قرأنا وطهر قلوبنا وأقلامنا واجعلنا ممن إذا ذُكِّر تذكّر وإذا أخطأ تاب وإذا تاب قبلت توبته.