شهدي🦋🦋

انه بمرحله لو ردت اشد حيلي 
          كون امت محمد كله تدعيلي 
          وانتو بكيفكم تدعون ما تدعون 
          اخافن ملتهين وموش فاضيلي 
          يمكن مالين ومالكم خلگي 
          بس صىرولي ترى مشلوع من عرگي 
          بس انه لعي اوعدكم ارجع زين 
          رغم مخذول من ربعي وهلي وعشگي 
          هلي خذلوني كلت نجرب الغربه 
          بلكن ببهم احد يدعي من گلبه 
          ونه والله اعرف روحي خوش انسان 
          لتخلون هاي الوادم تخربه 
          وصلت لمرحه عله لنوم ما اكدر 
          واخلص يومي عازل روحي ومكتر 
          واعذر ربعي لو من عندي زعلانين 
          بس المشكله يكلولي تتكبر 
          اما للعشگته وجان ويه الدم 
          يسمع هل قصيده وراح يتندم 
          

:تفگه و باليَمن تقنعـني مامسحوب!
          حتى أطفال رضّع گاضـه أقسامك
          طـَبله و عِد غجر شابـع دمغّ؏ الراس
          و انـه طبلة أذن مالاحني أبهامك
          كُلشي البيـك أعرفه من جِدم للهام
          و أندَل شامَـك الموجود بحِزامك
          تدّفع حَتىٰ أطيح نوب صـارت هيچ؟!
          چتت ويـاي توگَف أكبر أحـلامك
          كُل هـذا و بعدني بچفي أصافح بيك
          و أول مااطيّـح نطيّح گدامك.

خاف باچر توصل أهلي وتسأل
          وتلگاني مَيت لا تظل تبچي وراي
          چنت عايش ما شفتني
          ليش نادم هسة جاي؟
          وأترس الگاع بصورّي
          وبالشوارع رشّه عطري
          وعيش مكسور وأناني
          ولا تجي لگبري أبد
          وأني أسف من أموت يجوز أتعبك
          عيش بعدي  ولا تظل خايف
          يَاحبيبي
          حتى لو ميت أحبك
          كلنا نمشي ومحد يظل بمكانه
          وهيّ بعد الدنيا هاي
          بس أريدن شغلة منك
          من أموتن روح لأمي وگلها
          "ميت من وراي".

مامِيت گبل !
          بَس حافظ التابوت
          لأن كُل ما أنام أتحلم بنّعشي
          أنا أمبّلل رموشِي بّدمعة المِعتاز
          أنا دموع الفرح مامّرت بِرمشي
          وكت الخيَر عِشته !
          وماشفت بي خيّر
          صاحولِي ملك 
          بَس ماشفت عَرشّي
          عندي عِيون 
          بَس مَحسوب عالعِميّان
          أنا مفتح ولَكِن 
          ماشفت كُلشي !

زعلك ماله داعِي عيون عميان
          وصفگتي بلا فرح چفين خباز 
          باب البيت خله بوجهي مسرُوگ
          بَس كلشي ولا أشوفك بعيد
          مـن تدخل الريه وتعشگ النوگ 
          كل شد الرحيل اجدَامهـاا تبيد

ظَلام انتَ بحَياتي وظُلمك هواي
          وأضوگك مُر واگولن لا طعَم هيل
          وأعرفَك خاين وأدريك بَذات
          وتريد وياك اخلّصها بتواسيل
          ولَك أعرفَك قَبلي عاشگ وأعرف الـ بيك
          وضَميت الأسرار بوَحشة الليل
          كُل هذا وبُقيت مصَبر الروح
          حِلم وابقي على حيلچ قوّي الحيل
          آنه الـ دلليتك وبوكت عوز
          وتگلهم عليّة مشوفَك الويل
          آنه أكفُر بالكَرامة الـ طخّت الراس
          واكفر بالعشگ واهل المراسل .

حط سمَاعته بصِدري،
          هَز أيده وبچه ألدگتُور،
          مَدري شگَال للوُياه
          المُهم مَا قصِر ومَعذور
          أچيت الليلة أوُدعگم
          أسگت وأنتُو سمُعوني
          أريد أشبعَ حچي منَگم
          قَبل لٱ أغمض عيُوني
          ألزعل والفُرگه عوُفوهنَ
          بعد مَا ضل وگت نحَلف
          هوُ ألعنده يمَشي ويا
          بنَادم يبقى بس مُوقف
          وأنا أخر حچي عندي
          وأچيت الليلة أودعَگم
          شگِثر بعتُوني للغربَه
          وُلا مَره بعت منگُم
          وُقَبل لٱ أمُوت أوصَيگم
          ذمة برگبة الينَسى
          هوُ العَاشگ من يمُوت
          تبقَى بگل گلب ذگُرى
          الليلة ، گلشِي أختَلف!
          وعيُوني أطفيَها
          الليلة تبچي عَلي والله أخليَها

حرت بيمن اصدك بيك بالشفته
          عيوني تكلي انته وكلبي مو انته
          تعال وشوف حالي وشوف الفراك
          الساني اخرس بدونك انته سالفته
          تعال وشوف وجهي شلون تعبان
          بشر قاسي وعنيد وهسه غيرته
          يسألوني عليك وابتسم ورتاح
          ويسالونك عليه تكول ماشفته
          اني اعرف اخبارك من رحت مرتاح
          هم تدري بخباره الحبك وعفته
          هم صادفت مره ومانمت باليل
          اني اليل بعدك مره مانمته
          هم تذكر ايامك هم تحن تشتاك
          اوج بذكرياتك وانطفي بسكته
          اني الحابك هم تعرف شسويت
          شكو واحد يجذب بيك حلفته
          لا مريتني و لا مار بيه بطيف
          اذا زعلان اني اعتذر ع الكلته
          حته اخبار يوسف طشت بكنعان
          واني اخبارك متانيها چا يمته
          يوسف رد قميصه ورد بصر يعقوب
          بيش تردلي شوفي بيا قميص انته

اراكَ لغيري تشكو وجعكَ
          أتراهُ أحِن عليكَ من قِلبي !!

مو بَس للحَرب 
          أطلَع چنت وَياك ،
          چنت وياك طالع حَتىٰ مِن ديني
          أني أذيت كُل مَن حاول يأذيك
          ليش گبال وادِم غُربهَ تآذيني 
          گتلك رُوحي وَرده
          وَ بـ النشاف تموت
          غَير بـ ماي وَصلك كون ترويني 
          لو كَسرت عَظم چان العِذر مَقبول
          بَس كاسرلي خاطر بَيش ترضيني 
          الوَعَد مِثل الشَرف مِن ينكسر ينعاف
          عِذرَك مـَا يفيدَك شِفتَك بَعيني
          تكلي فلان حِبني 
          وَ سِد وَراك الباب
          فاتح بابِ ناطر لاتخليني..