شجَاها الروح يمك ذَبت الاسرار
وليش ارجِف عليك وينخطُف لونيّ
حَتى الناس گامت تعرف بهَل حال 
مااعرف شگلهم مِن يسألوني !
يطبون بصفنتي وعنك يدورونْ
ويلكوني افكر بيك يلكوني 
صاحت كلها صَاحت هذا باگ فلان
وماعندي لگوك وبيك تهموني
تهموني بمَحبتك و الله لو يدرون 
على ضيم العلي يظل يواسوني 
ما يدرون عايفني بمَهب الريح 
و أنا وياك عفت المايعوفوني 
اليحبوني شكِثر و الجيتي يتانون 
و أخجل من كثر ما گام يتنوني 
و أنت الما تحبني شلون بلا وياك 
أمرن بيك ما أمر باليحبوني 
عفت الي شروني ومن أرد شلون 
هم أسوة بَعد و أنوب يشروني
حبيتك شجاني وما حسبت حساب 
خيعونك علي مو أنا خيعوني 
متحبني و أحبك والمُصيبة أنوب 
أريدك و أنهزم من اليريدوني .
- جـبار رشيـد