iadoreluffy
السلام عليكم ورحمة الله وبركاته ، جيت أقول لكم آني بحذف جميع رواياتي وبعد أسبوع يبند حسابي بعد ، أخيرًا فتح الله لي قلبي وعقلي وأدركت غلطي العظيم الي قاعده اسويه وجيت بس ابغى انصحكم لعل الله يفتح قلوبكم بعد ، كمراهق انا عشت حياتي بأكملها على الجهاز وصار نصفي الآخر ولا راح اكذب عليكم اذا ما كانت المحرمات يمكن انه نصفه لكن لازم كلنا نفهم ان الدنيا مجرد وقت وينتهي ، انا انت كلنا بموت وربي بيحكم علينا يوم القيامة ، تعتقد ان الي نسويه الحين يستاهل اننا نتعذب لأيام او يمكن لسنوات؟ تعتقد انه يستاهل ما تدخل الجنة عشانه؟ تعتقد انه يستاهل ربي يغضب عليك؟ السبب الوحيد الي رجع لي عقلي حاليًا اني كنت قاعده اقرى سورة ، سورة مو البقرة او آل عمران ، سورة يسٓ وفي آية أخيرًا اخرجتني من الجهل والغباء الي كنت اسويه وهي آية :((يا حسرة على العباد ۚ ما يأتيهم من رسول إلا كانوا به يستهزئون)). اعرف ان الآية لناس المستهزئين بس قد فكرتم يومًا اننا يمكن نصير منهم؟ كلامي يتداخل مع بعضه بس جربوا تقرون سورة التوبة الي تتكلم عن عذاب الكفار ، ما قصدي تخويفكم او شيء بس الي قاعد يصير حاليًا لازم يوقف ياكثر الاعمار الي ضاعت في هذي المحرمات الي بتدمرك ويمكن تدمر علاقتك مع اهلك اذا ادركوا الي تسويه ، اعرف معظم الناس الي يتابعوني كاتبين لروايات شواذ وصدقني مراح تستفيد شيء ، شهرة؟ تقدر تلقاها بأمور غير هذي ، شهوتك سيطر عليها لا تخليها تأخذ الافضل منك (اتمنى كل من يقرى هذي الرسالة ينفتح قلبه وعقله يارب ياكريم ، انتم كلكم اشخاص جيدين وطيبين اعرف ان قلبكم لا زال ابيض وفيه لو قطرة من الإيمان والندم ، شكرًا لكل من قرأ هذه الرسالة واتمنى ايامكم تمر بكل خير وطيبه)
