iean62

شفتوا سالفة تايكوك لمن بالبث هددوا البنت ام الأخضر انو ينشرون صورتها؟ الصراحة اتمنى تطلع الترجمة غلط لأن لو الترجمة صح حينزلون من عيني اول شي انو هددوها بشكل صريح حتى لو جان مزح و ثاني شي على أي أساس تصور شخص بدون ما يدري ؟ اوكي هم مشاهير و طبيعي يكون حولهم ساسانغ أو حتى شخص عادي يصورهم و هم ما يدرون بس همة شنو عذرهم تصورون انسان عادي و ممكن حتى تدمر حياة البنت اذا شي انشر أو تسرب 

حاليا مدااقرة اي رواية ولا اشوف اي مسلسل و بس يجي الدوام متأكدة راح تصير بية دودة و يرجعلي الشغف لكل شئ تعبت تعبت تعبت

جوعانة 

عود قررت اعامل بالمثل و انبني ضميري

حجيت كل الي براسي هاي هية وقت النوم

دافكر بصديقتي المفضلة كاعد افكر بيأم المراهقة الي كضيناها سوة و افكر بالحوارات العميقة الي خضناها و افكر بالاشياء السخيفة الي ضحكنة عليها بالمدرسة و افكر بالمرة الي تأخرنا بيها عن الدرس و انطردنا سوة أتذكر اشياء اتمنى ارجع اعيشها و اجرب شعورها من جديد أفتقد هذا الشعور الي كانت هي تحسسني بية هسه حاليا نتواصل بالشهر مرة و صارت ما تحجيلي اي شي عن نفسها و البرود بالمحادثة قاتل جنت دائماً اني الطرف الي يبادر و يسأل و أني دائما الي اتفاعل و افتح مواضيع حُباً بيها و الله بس احس خلاص هواي لعبت دور المهرج يعني صرت افكر انو هي بشنو احسن مني حتى ما تبادر ولا تسأل و صرت احس كأني اتملق الها و الصراحة صرت احس انو بديت انزل من قيمتي و هي ما تستاهل الصراحة بس الذكريات الي بينا جداً دافئة و حنونة و اذا اريد اشكرها على شي ف اني متتنة الها لان في يوم من الأيام حسستني انو اني انسانة مرغوبة و اشكرها على كل مره انست وحدتي و خلتني اضحك 

الخطاطة الي دخلت عدها دورة خط كلش حبابة و بس تشجعني و لما تكتب اسمي تحط ياء الملكية بالاخير هيهصهصههسهيهي الاسلوب الاسلوب يجنن من كل عقلي أجيت اكتبلها صيري صديقتي بس استحيت 

هوس النحافة الى أين؟ اقسم بالله داتطلعلي اشكال بالنت عبالك جانوا بمجاعة يعني كاعد يجوعون نفسهم و يضعفون أجسادهم بالهبل حرفيًا يعني قبل شوية شفت بنية زعلانة لان وزنها صار 46 و هي كانت 45 ! هذا مرض والله طبيعي شخص يسوي بنفسة هيج و يكون بكامل قواة العقلية؟ شنو 46 كيلو كونية طحين انتي؟ و شفت وحدة ثانية تصوم ثلاث ايام علساس يعني صيام متقطع ! شلون تحملت اصلا تضل ثلاث ايام بدون اكل؟ هذا تعذيب بشكل صريح و تضر جسمها و هرموناتها تتخربط و حتى الدورة تنكطع عنها بسبب الي ديسوو

اليوم جربت وصفة شفتها بنترست بس متتت الطعم شكد طلع رهيبببب يخبل يخبل 

بلكت كل الناس الي ممكن تسببلي توتر و حالياً احس راسي فارغ ، يارب راسي يضل هيج و ما يصير اي شي يعكر صفو عقلي و يخليني ارجع افكر