꧁★✦بـۆرە ✦★꧂

لە ژیاندا هەندێک کەس هەن کە بە ناوی هاوڕێ دێنە ناو ژیانمانەوە. لە سەرەتا پێت وایە ئەوان هەمیشە لەتەکتن، هەموو نهێنییەکانت پێ دەڵێیت، لەگەڵیان پێدەکەنیت و لەگەڵیان خەون دەبینیت. پێت وایە ئەگەر هەموو جیهان دژت بێت، ئەو هاوڕێیە هەر لەتەکت دەوەستێت. بەڵام کاتێک کە ڕاستی ژیان خۆی پیشان دەدات، زۆرجار دەبینیت ئەو کەسەی کە پێت دەگوت هاوڕێ، لە هەمووان زووتر پشتت تێدەکات.
          	
          	بێوەفایی هاوڕێ شتێکی ئاسان نییە. دوژمن ئەگەر دڵت بشکێنێت، تۆ ئامادەی چونکە دەزانی دوژمنە. بەڵام کاتێک ئەو کەسەی کە لەگەڵت نان خواردووە، لەگەڵت گریان و پێکەنین بەشدار بووە، لەناکاو دەبێتە هۆی ئازارت، ئەوە جۆرێکە لە برین کە زۆر قووڵترە لە هەموو برینەکانی تر.
          	
          	ڕۆژێک بوو من بە تەواوی باوەڕم بە هاوڕێتی کردبوو. پێم وابوو ئەو کەسەیە کە هەرگیز پشتت تێناکا. زۆر جار بەخاطر ئەو شتانێکم قوربانی کرد کە بۆ من گرنگ بوون. پێم وابوو ئەو هەمان کار بۆ من دەکات. بەڵام کاتێک کاتی تاقیکردنەوە هات، کاتێک پێویستم بە کەسێک بوو کە لەتەکم بێت، ئەو هاوڕێیە یەکەم کەس بوو کە دوور کەوتەوە.
          	
          	لەو ڕۆژەدا تەنها دڵم نەشکاند… باوەڕیشم شکاند. فێربووم کە هەندێک کەس تەنها بە قسە دەڵێن هاوڕێ، بەڵام لە ڕاستیدا تەنها کاتێک لەتەکتن کە سوودێکیان لە تۆ هەیە. کاتێک ئەو سوودە نەما، هێواشی هێواش دەچنەوە وەک ئەوەی هەرگیز لە ژیانتدا نەبووبن.
          	
          	
          	
          	لەوانەیە بێوەفایی هاوڕێ دڵت زۆر ئازار بدات، بەڵام هەروەها وانەیەکی گەورەش دەفێرێت. ئەو وانەیە ئەوەیە کە هەموو کەس شایستەی ئەوە نییە بە ناوی هاوڕێ بزانرێت. هەندێک کەس باشترە تەنها وەک ناسیاو بمێنن، چونکە هاوڕێتی وشەیەکی زۆر گەورەیە و هەموو کەس شایستەی ئەو ناوە نییە.
          	
          	بەڵام لەگەڵ هەموو ئەو ئازارانەشدا، من هێشتا باوەڕم بە هاوڕێتی هەیە. چونکە لەم جیهانەدا هەرچەندە بێوەفایان زۆرن، بەڵام هێشتا کەسانێک هەن کە بە ڕاستی هاوڕێن؛ ئەوانەی کە هەرگیز پشتت تێناکەن و لە کاتی تاریکی ژیانتدا دەبنە ڕووناکی.
          	
          	و ئەو کاتە تێدەگەیت کە هاوڕێی ڕاستەقینە زۆر کەمە…
          	بەڵام کاتێک بدۆزیتەوە، بەهایەکی زۆر گەورەی هەیە.