عـــارم ☪

- اكثر شي لازم تخاف منه هو الوقت ❗
            لان بعد فتره راح تكعد ويه نفسك وتسأل ! اني شنو جنت اسوي ؟ وين جنت مضيع وقتي ؟ بعد فتره راح تشوف الجان طالب تخرج والعاطل لكه شغل والفاشل نجح والوحيد كون عائله وانت بعدك واكف اهنا 
            الوقت كان يمشي وانت مامسيت ويا والاسوء ان ماراح تكون عندك طاقه تركض حتى تلحك للشي الفاتك لان اساسا ماجنت مستعد تركض...
            اسأل نفسك اني وين واكف وشمنتظر وشنو جاي اسوي واذا مالكيت اجابه فـ عيد النظر بحياتك والكي شي تركض وراه حتى ماتضل واكف اهنا
            
            ↲ عـــارم

ماكو حزن يدوم بگلب شخص للنهايه لازم اكو ابواب حلوه راح تنفتح بعدين ولازم ربك يرضيك على صبرك 
            وكل كسره وخذلان من شخص معين راح تلكه وراه ناس تساعدك وتسندك وتشيل من حزنك واطمئن تره موجودين هيج ناس بحياتك وكل شي خسرته وراه اشياء راح تكسبها وتدوم عندك 
            الله ميمنع الا لحكمه معينه ومياخذ الا يعوض وماكو شي اسمه فرصه وراحت منك لان خلي ابالك رب العالمين كال " يؤتكم خيراً مما اخذ منكم " يعني اللي فاتك هو الاصل مو الك رب العالمين من يسد باب عليك يفتحلك اللي احسن منه وبي خير اهواي الك
            
            ↲ عـــارم

اكبر فخ توكع بي نفسك المقارنات، لعبه بسيطه بس اذا لعبتها تفتح لنفسك باب ماينسد، تبدي تسأل نفسك”‌‌ ليش اني هيج وفلان هيج“ ”‌‌ليش فلان سوه هيج واني بعدني “ ”‌‌شلون هذا چان ويايه وصار هيج “
            وسؤال يتبع سؤال وماراح تخلص..، تكون ساعتها وكعت بالفخ وماتعرف تطلع منه لان دماغك ملتهي يقارن 
            وتنسى نفسك وتنسى شلون شريط حياتك مايشبهم وظروفك ماتشبه ظروفهم وتجاربكم مختلفه 
            لان الحياة مو سباق ويه الناس وكل شخص يتسابق ويه نفسه وماضيه انت تتسابق ويه وقتك وظروفك وحياتك انت تمشي بمسارك اذا عينك على مسار وحياة غيرك راح تخلص طريقك تتعثر وماتوصل لشي
            
            ↲ عـــارم

ولونَك مو دمع ماضمتك عيني ..
            ولونك مو ڪحل ماشالتك عيني!
            يلوموني واحسك تكبࢪ بࢪوحي ويلوموني،
            وانه بلا شوفتك شينفعن عيوني؟؟
            يشوفي ورجوتي ودنياي…
            ودنياتي ولوني وعذابي!
            وبسمتي وشكواي وضنوني،
            
            -سيد خلف عريان

شِجاك وضيعتني شكد أناني .
            أهم شغله بَحياتك جانت أني .
            ماتلكاني بيهم جَرب وشوف .
            تحِب عشرين مايسّدون مكاني .

 مثلي على نيته شلون طير الهور
            اجه بلهف وحنين وماحظه بهوره
            ومنو مثلي سكت شاف الزرع مبيوگ
            ودره البوگات كلها ببيت ناطوره
            ولو روحي بنفسها تريد كلشي تگول
            اعض شفتي واگلها الگاع محضوره
            على بختج يروحي مالي حيل الروج
            وشراعي تعب والدفه مكسوره
            ولا ساحل بقه وادري الصخر ميطوف
            حتى اتعب وادور صخره مشموره
            
            -سمير صبيح