iji_683
أدري الحين المفروض أكمل البارت… بس والله مالي نفس، فجبت لكم اليوم خرافة مرة حلوة، وكثير ناس يعرفونها.
قد سمعتوا جملة:
“الذهب فداك، المهم سلامتك.”
يمكن تحسونها جملة عادية، لكن فيه خرافة قديمة منتشرة، خصوصًا عند بعض الناس في السعودية.
زمان إذا راحت الحرمة عرس وهي لابسة ذهب كثير، وسألوها ليه كل هالذهب؟ كانت تقول"الذهب زينه الحرمه" بس ماكان دا الجواب الحقيقه بل الحقيقه ان كان فيه ناس يربطونه بالحماية من العين.
وتقول الخرافة: إذا انصابت المرأة بالعين وهي لابسة ذهب، فإن العين ما تصيبها هي، وإنما تصيب الذهب، فينكسر أو يطيح. وإذا انكسر الذهب، ما يصلحونه؛ لأنهم يعتقدون إن الذهب أخذ العين عنها، وإذا صلحوه ممكن ترجع العين لها.
أنا صار لي موقف خلاني أتذكر هالخرافة.
كنت رايحة عرس، وأمي عطتني سلسال ذهب ألبسه. وأنا أرقص، فجأة والله ثم والله شفت السلسال يطيح قدامي. وقتها الحريم صاروا يذكرون الله، وأنا ما كنت فاهمة وش صار.
ولما رجعنا البيت قالت لي أمي:
“يقولون الذهب أخذ العين عنك، عشان كذا لا تقولين لأبوك يصلحه.”
إلى اليوم كل ما تذكرت الموقف قلت: سبحان الله ان ذي العين ماجتني
تراها حقيقه وربي انها حقيقه و صارت مع امي و وحده نعرفها من القبيله
