il0_01i
ماكو انسان طبيعي يريد يعيش بوحدة أو فرحان بالعزلة
اكو بشر رادت تحب بس ماانحبت ، اكو الجرب وانكسر وظل خايف من أي قرب ، واكو الواكف من بعيد يشوف مهازل العلاقات وصارت عندة فوبيا حتى من نظرة البشر
هيج انسان من ينكسر ، يتعامل وياك بعد على أساس التجربة ، مايتعامل حتى تريدة ويريدك.
il0_01i
رب العالمين طول الوكت يعوض
وما تعرف شراح يعوضك ، ومتعرف راح يعوضك شلون …؟
اَي شغله وأي مصيبه وأي ظرف يصير بحياتنه ممكن يضوجنه وممكن يكسرنه ويمكن نتعب فتره بسبب الضغوطات ،
لكن رب العالمين ضاملك كدامها شي احسن تاكدوا كل شغله تصيرلك بالدنيا كدامها شغله حلوه تصيرلك
ربك ميخلي حمل مطروح ولازم يسعدك على صبرك .. ف خليك قوي وراح يسعدك رب العالمين
il0_01i
شايفين الجاي الحار من يصبوا بالاستكان دائما يبقى فد فراغ شوية ليفوك ، هذا شكد ما شوية مقارنة بالباقي بس هو اللي يخليك تلزم الكلاص بدون متنجوي ، وهو اللي يخليك تاخذة من مكان لمكان بدون ميوكع وبدون متحترك ايدك ،، تقريبا حياتنة هيج مثل هذا الاستكان متروسة موت وكئابة وحزن ووضع مو زين بس اكو هاي الشوية اللي مخليتنة نعيش ، اصدقائنا ، اهلنا ، شغفنة بالاشياء اللي نحبهه وهواي شغلات لخ . هاي الاشياء اللي تخلينة نتأقلم ومن خلالها بس نكدر نحافظ على صحتنة النفسية وعزمنة اللي ديروح بلاش . هذا الشوية خلي نتمسك بي ونحافظ علية اكثر .. لان كلما قل حننجوي اكثر ومحنعرف نعيش ابد✋
