🌙

          	مساء الخير او صباح الخير حسب توقيت قراءة الرسالة دي 
          	
          	أنا بقالي مدة مختفية من ساعة مااخدت الإجازة تقريبا وحتي محدثتش ولا كنت بدخل اكتب في أي رواية وفي الفترة دي الكتابة بقت عبء عليا بعد ماكانت اكتر حاجة أنا بحبها ومبقتش مرتاحة علي اكونت اصلا ومعرفش ليه حقيقي فأنا جاية اقول ان الاكونت الانستا مش هعتبره اكونت ترويج تاني لان ببساطه معتقدش ان هيكون ليا روايات تاني علي الواتباد فالاكونت أنا هعتبره انه اكونت عادي بتاعي تقدروا تعملوا انفولو هناك لأن مش هيبقي فيه اخبار عن الروايات _رواية 12 مرحلة ومذكرات ديسمبر _هيفضلوا علي الواتباد لأنهم كانوا ذكريات لطيفة بالنسبالي ومش هقدر امسحهم ،لحد آخر وقت رواياتي كانت بتتحط في ريدينج ليستس بأسماء أنا مكنتش احلم اني اتحط فيها خصوصا 12 مرحلة الي اثرت في بعضكم
          	بجانب اني مبقتش ارمي بقيت بسمع بس اخبارهم من بعيد واكتفيت بفرقتين متابعاهم في هدوء فحاسه اني هيبقي غريب اني اكتب ليهم روايات وانا بقيت مجرد فان من بعيد بجانب اني مبقتش حابه فكرة الفانفيكشن اصلا 
          	
          	وبس ده الي كنت عايزة اقوله مش عايزة اقول سلام علشان أنا محدش يعرفني اصلا وعلشان معرفش ده آخر لقاء ولا لا بس اتمني اني افضل في ذاكرتكم برواياتي الي اتمسحت قبل كده ورواياتي دي ،الواتباد كان محطة لطيفة في رحلتي واتعلمت فيه كتير واتطورت عشرات المرات علي مدار السنين الي فاتت وعرفت ناس كتير لحد دلوقتي صحابي بسببه بس أعتقد لكل بداية نهاية واني هوقف هنا ممكن تسمعوا عن اني نشرت كتاب في يومًا ما وساعتها هاجي اقولكوا او اني حققت حلم ما ليه علاقة بالكتابة اتمني يتحقق وهاجي بردو اقول وطبعا مش هقدر أنسي قُرائي الأعزاء قُراء رواية 12 مرحلة اكتر ناس اثرت فيا بحبكم أوي بجد .
          	
          	سلام 3>