illsllix6
الشِعر اللي انزله مجرد شِعر يعجبني ما يمثلني .
illsllix6
illsllix6
جازفت بسمعتي بعشرتي وياك
هملت اسمي ودست فوگ التقاليد
مو نفس العمر بس چنت اداريك
ما حسستك بفرق المواليد
غير الـ "يا هلا" شمسوي وياك
بمحنة وصوت دافي احچيها تجويد
اخذهن مني الك ماريدهن روح
اعتذاراتك ورة السويته ما تفيد
حسبالك قبل وافتحلك الباب ؟
ما تنهي الزعل تكبيرة العيد !
illsllix6
هي ايام باچر عگبة ونموت
و ذكرى نصير صورة اعلى الحياطين
دمشينة يا روحي نشوف ونعيش
هن نفس البشر؟ هم عدنا رجلين؟
وخنچذب يروحي اعلى اليسألون
گولي بخير وابچي بعدين
لا تبينيلهم شيصير بالليل ؛
illsllix6
گتلي حلمت نفتــرگ
من عدها واخذت الحــذر
فرحان شو منســعد
ها حققت حلمــك !
زين اهتــمامي الك معقولة ما همـك ؟
سهر الليالي المضت ومــدارة روحي الك
" نافسـت بيها امــك "
illsllix6
رجعت من الصفر خالي وحرت من يا وجع ابدي
ميت من رجعت وماكو اثر وادم يشيعوني
" متت وحدي "
مو تدري انت اخر طلقة يكتل روحه لو يتحاصر الجندي ؟
وكت خلة الدموع يمرن بخدي
بعدهي جروحي ما طابت وانت بملحك تبدي
انا مو صورة عندي البوم وية الناس
" بس وياك ما عندي "
illsllix6
لــيش التــحبــه يعــيشــك بـنـص احــزان
وليـش انت تبچـــي وهو يضحك فرحــان
لـــو ادري هيـــچ اتـــجازة چا مــن زمـــان
ميـــت ولا عايــش هذيــچ اللحظـة ؛
illsllix6
يعجبنــي الجرح لو لاگة شمــات
يضــم روحة بحيث يبيــن التــم
وتعجبنـي السيوف بچف السباع
يحمرهــا الخجل لو ما لگــت دم
اذا انت شفـت لا تگـول ماشـوف
تحچـي العين اذا لسانك اتلعــثم
شوف الفلــح من تمــوت الـورود
بغيــر ورود هيــة تــروح تشـــتم
بس شوف الــورد لو مــات فـلاح
من تشمــه تلگــة بــعطــره مأتــم
شوف اصعب وجه تقراه العيــون
لكـــن بالگــلب بــس الــلّٰه يــعلــم
گلبـي گزاز بس تسحگــه خسـران
اذا هــو انكـسر انــت التصــب دم !
illsllix6
اخســرك؟
عادي عندي هواي خســـران
مرات الخسارة تقوي صاحبــها
ماحبك تگــلي؟
والله بـطران ،
انة روحي تجيني ايام ماحبهــا !
illsllix6
المــيت بالحلـم تفسيــره عمـره طويــل
الميـت عليــك شلــون تفسـيره
illsllix6
اذكـــروا ربكـــم .